Ledig stilling ved Universitetet i Bergen
Postdoktor (3 år) - Institutt for biomedisin
Søknadsfrist: 02.06.2019
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Postdoktor (3 år)
Ved Det medisinske fakultet, Institutt for biomedisin, er det ledig ei stilling som postdoktor (100 %) for ein periode på tre (3) år. Stillinga er knytt til ERC Consolidator Grant prosjektet ”Discovery and functional significance of post-translational N-terminal acetylation”, finansiert av det Europeiske Forskingsrådet (ERC).
Om prosjektet/arbeidsoppgåver:
- Målet med prosjektet er å biokjemisk karakterisere nye enzym av typen acetyltransferaser. N-terminale acetyltransferaser (NATs) sørger for påsetting av ein acetylgruppe på dei fleste protein i menneskeceller noka som gjer N-terminal acetylering til ein av dei aller mest vanlege former for protein modifisering. Se TiBS, doi: https://doi.org/10.1016/j.tibs.2016.07.005
- Forskingsgruppa vår ved UiB (https://www.uib.no/rg/nat) har identifisert og karakterisert heile det hittil kjente NAT-maskineriet som opererer i humane celler. Vi har likevel grunn til å tro at det finnast fleire slike NATs som har ein sentral rolle i cellene våre. Ved å kartleggje desse enzyma kan vi auke vår forståing for grunnleggjande cellulære prosessar med stor relevans for sjukdom. Se Mol Cell, doi: https://doi.org/10.1016/j.molcel.2019.02.007
- Hovudoppgåver for kandidaten vil vere planlegging, gjennomføring og analyse av eksperimentelt arbeid innan forsking på post-translasjonell N-terminal acetylering knytt til ERC-prosjektet. Både standard og avanserte metodar innan protein biokjemi trengst for å gjennomføre arbeidsoppgåvene knytt til dette prosjektet. Det vil bli sjølvstendig forskingsarbeid med ansvar for gjennomføring av sentrale delar av ERC-prosjektet frå ide til publikasjon. Samtidig vert det forventa at kandidaten skal samarbeide med andre medlemmer av gruppa for å løyse større problemstillingar knytt til prosjektet.
- Kandidaten vil og rettleie studentar frå bachelornivå til ph.d.-stipendiatar.
Kvalifikasjonar og eigenskapar:
- søkjar må ha oppnådd norsk ph.d.-grad eller tilsvarande utdanning innanfor biokjemi/molekylærbiologi, eller ha levert og fått godkjent doktoravhandlinga innan søknadsfristen. Det er ein føresetnad at doktorgraden er oppnådd før tilsetjing kan skje.
- erfaring frå arbeid med membranprotein er naudsynt (ulike ekspresjonssystem, reinsing og analysar).
- søkjar må ha produsert originale peer-review publikasjonar som førsteforfattar i internasjonale tidsskrift innan feltet i) membranprotein biokjemi og/eller ii) biokjemi av proteinmodifiseringar og/eller iii) biokjemi av proteinmodifiserande enzym.
- arbeide sjølvstendig og på ein strukturert måte, og kunne samarbeide med andre
- søkjar må vere motivert og ansvarleg, og ha stor arbeidskapasitet og entusiasme for forsking
- søkjar må kunne nytte engelsk munnleg og skriftleg
Om postdoktorstillinga:
Postdoktorstillinga er ei åremålsstilling og har som hovudmål å kvalifisere den som blir tilsett for arbeid i faglege toppstillingar. Ingen kan tilsetjast i meir enn ein åremålsperiode som postdoktor ved same institusjon. Du kan heller ikkje tilsetjast i postdoktorstilling dersom du tidlegare har hatt slik tilsetjing ved ein annan institusjon i regionen.
Søkjarar skal ved tilsetjing kome med framlegg til plan for kvalifiseringsarbeidet som inneheld ein framdriftsplan. Det er ein føresetnad at den som blir tilsett gjennomfører prosjektet i løpet av tilsetjingsperioden.
Den tilsette kan bli pålagt opp til 25 % pliktarbeid i form av undervisning og liknande arbeid ved instituttet.
Vi tilbyr:
- spanande og utviklande arbeidsoppgåver i eit sterkt fagmiljø
- løn etter lønssteg 59 (kode 1352/lønsramme 24.3) for tida 515 200, med medisinsk eller odontologisk embetseksamen lønssteg 61 (kode 1352/lønsramme 24.7) for tida 534 100, med spesialistutdanning lønssteg 63 (kode 1352/lønsramme 24.5) for tida 555 100, i lønsregulativet til staten ved tilsetjing. Vidare opprykk skjer etter tenesteansiennitet i stillinga.
- god pensjonsordning i Statens pensjonskasse
- gode velferdsordningar
Søknaden skal innehalde:
- ei kort utgreiing om søkjaren sine forskingsinteresser og motivasjon for å søkje stillinga
- karakterutskrifter og vitnemål (søkjarar med utanlandsk utdanning må leggje ved både vitnemål på original språket og autoriserte omsetjingar) og dokumentasjon på godkjent avhandling
- relevante attestar
- publikasjonsliste
- vitskapelege arbeid. Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden (pdf).
- to referansar (namn og kontaktinformasjon)
Generell informasjon:
Utfyllande opplysningar om stillinga kan ein få ved å vende seg til:
- Thomas Arnesen, e-post: thomas.arnesen@uib.no
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.