Stilling:
Senioringeniør / Overingeniør (Faggruppe for vitskapeleg databehandling)
Søknadsfrist 08.02.2019
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Linux (tungrekning) driftar - Senioringeniør / Overingeniør
Vær med å forme framtidas IT-teneste for forskinga ved UiB!
Ved IT-avdelinga, Faggruppe for vitskapeleg databehandling er det ledig ei fast stilling overingeniør/senioringeniør knytt til utvikling og drift av vitskapeleg infrastruktur.
IT-avdelinga sitt oppdrag er å levere gode IT-tenester og bidra til at UiB når sine mål. Vi leverer eit breitt spekter av IT-tenester innan utvikling, drift, forvaltning og brukarstøtte. IT-avdelinga har om lag 110 tilsette, i tillegg til lærlingar og deltidstilsette studentar. IT-avdelinga legg vekt på kontinuerleg forbetring med Lean-metodikk og nyttar ITIL-rammeverket for organisering av tenesteleveransar. Vi arbeider i stadig større grad i prosjekt og har tatt i bruk standard metodikk for dette.
Arbeidsoppgåver:
- Drift og vidareutvikling av teneste for vitskapeleg databehandling.
- Deltaking i prosjekter i e-infrastruktur nasjonalt og internasjonalt for behandling av forskningsdata.
- Automatisering av driftsoppgåver på Linux.
- Sikring av operativsystem og applikasjonar.
- Konfigurasjonsstyring av operativsystem og vitskapelege applikasjonar.
- Feilsøking og feilretting på tenesta.
- Brukarstøtte på vitskapelege tenester.
- Dokumentasjon av teneste og rutinar
Kvalifikasjonar og eigenskapar:
- Kompetanse innan programmering/skripting(t.d. fortran, C, Python og Bash).
- Kompilering av programvare på Linux.Kompetanse på drift av infrastruktur. (Linux, nettverk, distribuert lagring, distribuert computing)
- Kjennskap til virtualiseringsteknologi. ( Openstack, Kubernetes, Docker, mm)
- Sjølvstendig, strukturert og kan arbeide i team.
- Interesse for brukarinteraksjon.
- Likar å jobbe med ny teknologi og tileigne deg ny kunnskap.
- Oppteken av å finne gode løysingar og har god arbeidskapasitet.
- For å bli tilsett som overingeniør eller senioringeniør må du ha utdanning på mastergradsnivå innanfor relevant fagområde. Tilsvarande kvalifikasjonar oppnådd ved relevant praksis kombinert med relevant etter- og vidareutdanning kan kompensere for manglande formell utdanning
- Må kunne kommunisere godt munnleg og skriftleg på norsk og engelsk
Vi vil leggje spesiell vekt på personlege eigenskapar som gjer søkjarane skikka til stillinga.
Vi tilbyr:
- Eit godt og fagleg utfordrande arbeidsmiljø
- Ein kunnskapsrik og engasjert organisasjon med deltaking i mange spennande aktivitetar og brei kontakt med brukarane ved universitetet.
- Stilling som overingeniør (kode 1087) eller senioringeniør (kode 1181) etter kvalifikasjonar, 53-60 (for tida kr 464 800- 524 200), eller 58-68 (for tida kr 505 800 - 607 700) i det statlege lønsregulativet. For spesielt kvalifiserte søkare, kan det verte aktuelt med høgare løn.
- Medlemsskap i Statens pensjonskasse
- Fleksitid og gode velferdsordningar
Generell informasjon:
Utfyllande opplysningar om stillinga kan ein få ved å vende seg til:
- Seksjonsleiar Jan Kristian Walde Johnsen (jan.johnsen@uib.no, mobil 917 15 378) eller
- Gruppeleiar Csaba Anderlik e-post csaba.anderlik@ uib.no, tlf 91 64 49 90
Dei som blir tilsett kan få andre arbeidsoppgåver innan avdelinga sine arbeidsområder
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.