Ledig stilling ved Universitetet i Bergen
Overingeniør (Klinisk institutt 2)
Søknadsfrist: 02.06.2019
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Overingeniør
Ved Det medisinske fakultet, Klinisk institutt 2, seksjon for onkologi, er det ledig ei fast stilling som overingeniør
Arbeidsoppgåver:
- Stillinga inneber fagansvar for prøvebehandling og analyser ved massive parallell sekvensering knytt til kliniske studier som er gjennomført, og skal gjennomførast ved seksjonen, innafor K.G.Jebsen senter for genom-retta kreftbehandling. Dette inneber både DNA bibliotek-preparering og sekvenseringsanalyser ved bruk av Illumina sekvenseringsplattformar. Arbeidet vil omfatte målretta genpanelsekvensering, heilgenom-analyser, transkriptomanalyser samt epigentiske analyser.
- Stillinga inneber ansvar for metodeutvikling og kvalitetskontroll.
- Stillinga inneber ansvar for opplæring av stipendiatar og studentar i laboratoriet
- Det kan verte aktuelt å leggje andre oppgåver til stillinga.
Kvalifikasjonar og eigenskapar:
- Søkjar må ha minimum mastergrad innanfor relevant fagområde.
- Søkjar må ha brei erfaring med massiv parallell sekvensering, herunder våt-labserfaring mhp preparering av DNA-bibliotek for sekvensering og erfaring med databehandling i etterkant av sekvensering.
- Søkjar må ha erfaring med bruk av illumina sekvenseringsplattformer.
- Søkjar må kunne kommunisere flytande både på norsk og engelsk, både munnlig og skriftlig.
- Søkjar må ha brei erfaring med tett samarbeid med vitenskapelig ansatte.
- Søkjar bør ha brei erfaring med arbeid med humant biologisk materiale.
- Søkjar bør ha god generell molekylærbiologisk kompetanse.
- Søkjar bør ha god evne til sjølvstendig arbeid. Erfaring frå sjølvstendig vitenskapelig arbeid vil bli vektlagt.
Vi søkjer ein person som:
- har gode kommunikasjons- og samarbeidsevner
- har digital kompetanse og evne til å tileigne seg nye ferdigheiter
- Ved vurdering av søkjaren vil vi leggje stor vekt på dei personlege eigenskapane som er naudsynte for stillinga.
Vi tilbyr:
- eit spanande og utviklande arbeidsoppgåver i eit sterkt arbeidsmiljø
- stilling som overingeniør (kode 1087) i lønssteg 53-57 (for tida kr 464 800 - 497 000). For særs kvalifisert søkjar kan høgare løn vurderast.
- medlemsskap i Statens pensjonskasse
- gode velferdsordninga
Følgjande premiss er lagt til grunn for stillinga som overingeniør:
- overingeniøren skal vere medlem i forskingsgruppa som fagfeltet høyrer inn under
- lønsutgifter skal så langt som mogleg vere 100 % eksternt finansiert
- instituttleiar kan pålegge overingeniøren arbeid inn mot bestemte forskingsprosjekt
Generell informasjon:
Utfyllande opplysningar om stillinga kan ein få ved å vende seg til:
- Stian Knappskog, Klinisk institutt 2, Universitetet i Bergen, e-post: stian.knappskog@uib.no, tlf. 55976447
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.