Ledig stilling ved Universitetet i Bergen
Seniorkonsulent / førstekonsulent (studieadministrasjon) - Institutt for geovitenskap
Søknadsfrist: 21.07.2019
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Seniorkonsulent
Ved Institutt for geovitenskap er det ledig ei midlertidig stilling som seniorkonsulent/førstekonsulent innan studieadministrasjon. Stillinga er eit vikariat i forbindelse med ein foreldrepermisjon. Vikariatet har ei varigheit på 6 månader, men det kan verte aktuelt å tilby forlenging. Avhengig av utdanning og kvalifikasjonar hos den som vert tilsett, kan det verte aktuelt å tilsetje anten som seniorkonsulent eller som førstekonsulent.
Instituttet femner om eit vidt felt av geofaglege disiplinar. Instituttet har om lag 290 studentar fordelte på bachelor-, master- og ph.d.-utdanning. For meir informasjon om instituttet viser vi til Institutt for geovitenskap sine nettsider.
Målsetjinga for administrasjonen er å leggje til rette for at det kan drivast forsking, formidling og utdanning av høg kvalitet ved instituttet. Stillinga som seniorkonsulent/førstekonsulent inngår i ein instituttadministrasjon med 8 medarbeidarar som har administrasjonssjefen som næraste overordna.
Det er i dag 2,5 årsverk som saman har ansvar for studie- og undervisningsadministrative oppgåver ved instituttet. Studieadministrasjonen ved GEO samarbeider tett med dei vitskapelege førelesarane og har elles eit tett samarbeid med studiepersonale både ved dei ulike institutta og ved fakultetsadministrasjonen.
Alle i administrasjonen må rekne med å ta del i andre administrative oppgåver, i tillegg til dei spesifikke funksjonane som er lagt til stillinga.
Arbeidsoppgåver
Administrativt ansvar for masterprogrammet i geovitskap og for den totale emneporteføljen ved instituttet.
Dette inneber mellom anna
- ansvar for administrering, koordinering, kvalitetssikring og utvikling av instituttet sitt masterprogram, det vil seie
- rekruttering og opptak til master
- oppfølging av masterstudentar samt koordinering av uteksaminering
- sakshandsaming innan studierelaterte saker, inkludert sakshandsaming med overordna/komplekse problemstillingar
- innpassing av ekstern utdanning
- studierettleiing og orienteringsmøte for studentar
- informasjonsverksemd - utarbeiding av informasjonsmateriell inkludert webinformasjon
- administrativ planlegging av emneundervising og utarbeiding av undervisingsbudsjett i tett samarbeid med emneansvarlege
- faglege utgreiingar, knytt til etablering, utvikling og kvalitetssikring av studieplanar, emne og læringsmiljø
- arbeid med utvikling av tverrfaglege studieprogram
- sekretær og saksførebuing for instituttet sitt programstyre
- innkalle til og førebu saker til felles lærarmøter for alle som underviser ved instituttet, i tett samarbeid med programstyreleder
Arbeidsoppgåver knytt til tilrettelegging for undervising (inkludert timeplanlegging og eksamensarbeid) er lagt til ein annan medarbeidar i seksjonen.
Kvalifikasjonar og eigenskapar
Kvalifikasjonar
- Høgare utdanning på masternivå innan geovitskap, eller tilsvarande utdanning er eit krav.
- Relevant praksis er ein førmon.
- Kjennskap til og erfaring frå studieadministrativ arbeid frå Universitetet i Bergen er ein føremon.
- God administrativ IT-kompetanse og kjennskap til Felles Studentsystem (FS) og UiB sine elektroniske portalar er ein føremon.
Personlege eigenskapar
- Den som vert tilsett må
- ha evne til å arbeide sjølvstendig, vere ansvarsmedviten og fleksibel
- vere initiativrik, motivert og ha stor arbeidskapasitet
- vere resultat- og løysingsorientert
- vere serviceinnstilt
- ha gode kommunikasjons- og samarbeidsevner
- ha gode analytiske eigenskapar og nødvendig presisjon i arbeidet
- Det vert lagt stor vekt på dei personlege kvalifikasjonane som er naudsynte for stillinga.
Språk - både skriftleg og munnleg
- Begge målformer - nynorsk og bokmål
- Engelsk
Vi kan tilby
- varierte og utfordrande arbeidsoppgåver i eit spanande fagmiljø, og eit godt arbeidsmiljø
- stilling som seniorkonsulent (kode 1363) i lønssteg 53 - 56 (for tida kr 472 000 - 496 100), alternativt som førstekonsulent (kode 1408), lønssteg 51 - 53 (for tida kr 456 400 - 472 000) brutto per år i det statlege lønsregulativet avhengig av tenesteansiennitet og kvalifikasjonar. For særleg kvalifiserte søkjarar kan det vurderast høgare løn.
- kompetanse- og karriereutvikling
- nettverk for studiekonsulentar ved fakultetet, som bidreg til fagleg utvikling
- mentor for nytilsette
- fleksibel arbeidstid og gode velferdstilbod og medlemskap i Statens Pensjonskasse som inneber ei god tenestepensjonsordning, tilbod om bustadlån til gunstig rente og yrkesskade- og gruppelivsforsikring
- gode velferdsordningar
- gode velferdsordningar
Generell informasjon
Utfyllande opplysingar om stillinga kan ein få ved å kontakte:
- Instituttleiar Ingunn H. Thorseth, tlf. 55 58 34 28 / e-post: ingunn.thorseth@uib.no eller
- Administrasjonssjef Andrea Grimnes, tlf. 55 58 33 00 / 971 72 904 /e-post: andrea.grimnes@uib.no
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.