Stilling:
Seniorkonsulent / førstekonsulent (studieadministrasjon) - Geofysisk institutt
Søknadsfrist 06.03.2019
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Om stillinga
Ved Geofysisk institutt er det ledig ei fast stilling knytt til studieadministrasjon og informasjonsarbeid. Dette er ei ny stilling (seniorkonsulent/førstekonsulent avhengig av kvalifikasjon) med ansvar for administrasjon av Integrert masterprogram i energi (5-årig, siv.ing.) og Masterprogram i energi (2-årig) ved Det matematisk-naturvitskapelige fakultet.
Studieprogramma er koordinert og administrert frå Geofysisk institutt i nært samarbeid med dei involverte institutta og tett knytt opp til studieseksjonen ved fakultetet.
Den som blir tilsett får hovudansvar for å involvera dei ulike aktørane og legge til rette for eit godt administrativt samarbeid på tvers av institutt og fakultet. Det er også lagt til rette for samarbeid med dei andre 5-årige masterprogramma i sivilingeniørsatsinga ved fakultetet.
Arbeidsoppgåver:
Stillinga vil innebera varierte oppgåver innan studieadministrasjon, informasjonsarbeid og leiarstøtte.
Arbeidsoppgåvene vil blant anna omfatta:
- Generell sakshandsaming innan studieadministrative saksfelt
- Studierettleiing
- Innpassing av ekstern utdanning
- Internasjonalisering
- Informasjonsarbeid knytt til eige ansvarsområde (t.d. rekruttering)
- Utvikling av rutinar og samarbeidsformar for dei nye sivilingeniørprogramma
- Koordinering med samarbeidande institutt og fakultetet
- Koordinering med eksterne partnarar og nettverk
- Sekretær for programstyret for dei to masterprogramma
I tillegg til administrasjon av dei to studieprogramma vil ein stor del av stillinga vere informasjonsarbeid og leiarstøtte. Som tilsett i administrasjonen må ein ved behov ta del i generelle administrative oppgåver innanfor seksjonen sitt arbeids- og ansvarsområde.
Universitetet i Bergen er ein organisasjon som i særleg grad må vere tilpassingsdyktig til endringar i omgivnadene, og må vere førebudd på å møte skiftande utfordringar. Den som vert tilsett, må difor vere førebudd på at arbeidsoppgåvene kan bli endra.
Kvalifikasjonar og eigenskapar:
- Søkjarar må ha utdanning på mastergradsnivå, helst innan realfag
- Det blir særleg vekt på relevant erfaring frå studieadministrativt arbeid.
- Erfaring frå offentleg forvalting og universitets- og høgskulesektoren.
- Gode kommunikasjons- og samarbeidsevner
- Relevant administrativ IT-kompetanse, særleg erfaring med systema FS og ePhorte.
- God skriftleg framstillingsevne på bokmål og nynorsk samt engelsk skriftleg og munnleg
- Fleksibel og serviceinnstilt
- Evne til å ha oversikt, vere utviklingsorientert og tileigne seg ny kunnskap raskt
- Sjølvstendig og initiativrik
- Systematisk og løysingsorientert med god gjennomføringsevne
- Effektiv, fleksibel og serviceinnstilt
- Det blir lagt stor vekt på dei personlege kvalifikasjonane som er naudsynte for stillinga
Dersom det ikkje melder seg kvalifiserte søkjarar til stillinga som seniorkonsulent, vil det verte vurdert å tilsetje ein person som førstekonsulent. Krav til utdanning og/eller røynsle vil då verte redusert.
Vi kan tilby:
- Eit godt og fagleg utfordrande arbeidsmiljø
- Stilling som seniorkonsulent (kode 1363) i lønssteg 53 - 57 (for tida kr 464 800 – 497 000), alternativt som førstekonsulent (kode 1408), lønssteg 47 – 53 (for tida kr 421 700 – 464 800) brutto per år i det statlege lønsregulativet avhengig av tenesteansiennitet og kvalifikasjonar
- Medlemsskap i Statens pensjonskasse
- Stilling i ei inkluderande arbeidslivsverksemd (IA-verksemd)
- Gode velferdsordningar
Generell informasjon:
Utfyllande opplysningar om stillinga kan ein få ved å vende seg til:
- Administrasjonssjef Kristin Kalvik, kristin.kalvik@uib.no, telefon 55582601
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.