Ledig stilling ved Universitetet i Bergen
Seniorkonsulent / rådgjevar forskingsadministrasjon (Det juridiske fakultet)
Søknadsfrist 22.04.2019
Vil du vere med på å auke den eksternfinansierte forskingsaktiviteten ved Det juridiske fakultet?
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Seniorkonsulent/rådgjevar forskingsadministrasjon
Ved det juridiske fakultet er det ledig ei nyoppretta fast stilling som seniorkonsulent/rådgjevar. Vi ønskjer fleire eksternfinansierte forskingsprosjekt. Som vår nye seniorkonsulent/rådgjevar vil du bidra aktivt til arbeidet med å sikre at fakultetet lukkast betre i konkurranse om eksterne forskingsmidlar og auke prosjektsporteføljen. Du vil vere ein del av administrasjonens forskingsadministrative team og arbeide tett saman med fagleg leiing i oppfølging av forskingsstrategiar. Du vil og jobba saman med enkeltforskarar og forskingsmiljø i utvikling av nye forskingsprosjekt og med å følgje oppnådde forskingsprosjekt vel i hamn. Den som vert tilsett kan få andre oppgåver som ikkje direkte er knytt til forskingvirksomheten.
Arbeidsoppgåver
- Informere fagmiljøa om relevante nasjonale og internasjonale finansieringskjelder og satsingar
- Motivere forskarar til å søkje eksternfinanserte prosjekt
- Delta i søknadsskrivinga
- Støtte forskarar i oppstart av nye prosjekt og med rapporteringar i driftsfasa
- Utarbeide oversikter, analyser og rapportar for leiinga
- Gjere utgreiingar sjølvstendig og i team, skrive saksframstillingar til utval og fakultetsstyret
- Bidra med informasjon og forskingsrelevante saker til fakultetet sine nettsider og digitale nyheitsbrev
Kvalifikasjonar og eigenskapar
- Relevant høgare utdanning, helst på masternivå. Det er ikkje naudsynt med juridiske emne i graden
- Kunnskap om nasjonale og internasjonale finansieringskjelder og forskingsprogram og om rammevilkåra i universitetssektoren
- Kompetanse innan prosjektadministrasjon/leiing, inkludert grunnleggande budsjettering og økonomiforvaltning
- Erfaring frå offentleg forvaltning inkludert utgreiingar, analysar og det å støtte ei fagleg eller politisk leiing
- Gode kommunikasjonsevner. Du kan formulere deg godt skriftleg og munnleg både på engelsk, nynorsk og bokmål
- Relevant, praktisk og god administrativ IT-kompetanse
- Evne til å prioritere mellom oppgåver og trivst med å halde orden på parallelle arbeidsprosessar og mange aktivitetar samstundes
- Evne til å tenke strategisk, sjå behov og ta initiativ
- Vilje til å bidra til det faglege og sosiale fellesskapet
Vi søkjer deg som er ein god relasjonsbyggjar med evne til å motivere både deg sjølv og andre, og som vil vere med oss å utvikle den eksternfinansierte forskingsaktiviteten ved Det juridiske fakultet.
Relevant praksis og personlege eigenskapar naudsynte for stillinga vil bli særskild vektlagt.
Vi tilbyr
- Fleksibel arbeidstid og gode velferdsordningar, mellom anna trening i arbeidstida
- Varierte og fagleg utfordrande oppgåver, sjølvstendig ansvar og gode moglegheiter for utvikling
- Hyggelege og dyktige kollegaer og eit godt og inkluderande arbeidsmiljø
- Lån-, pensjons- og forsikringsordning i Statens pensjonskasse
- Stilling som seniorkonsulent/rådgjevar (kode 1363/1434) i lønssteg 56 - 62 (for tida kr. 488 500 – 544 400) i det statlege lønsregulativet, avhengig av tenesteansiennitet og kvalifikasjonar. For særleg godt kvalifiserte søkjarar kan ein vurdere høgare løn.
Generell informasjon
Utfyllande opplysningar om stillinga kan du få ved å vende deg til:
- Fakultetsdirektør Øystein L. Iversen, tlf.: 945 03 953, e-post: Oystein.Iversen@uib.no, eller
- Seniorrådgjevar Randi Sæbøe,tlf.: 55 58 95 39, e-post: Randi.Saboe@uib.no
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.
Velkommen som søkjar!