Høgskulen på Vestlandet har ledig stilling som rådgjevar i Avdeling for forsking, internasjonalisering og innovasjon

Høgskulen på Vestlandet, Avdeling for forsking, innovasjon og internasjonalisering, har ledig stilling som rådgjevar innan fagområdet internasjonalisering

Høgskulen på Vestlandet

Høgskulen på Vestlandet (HVL) er ein av dei største høgskulane i landet, med om lag 1 800 tilsette og 16 000 studentar fordelte på fem campus i Førde, Sogndal, Bergen, Stord og Haugesund.Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.Avdeling for forsking, internasjonalisering og innovasjon omfattar felles administrasjon og forvaltning knytt til høgskulen sin aktivitet innanfor desse områda.

Avdelinga skal utviklast vidare og støtte opp under den faglege profilen og universitetsambisjonen til HVL.

Stillinga vil ha hovudarbeidsstad ved campus Sogndal, men det vil også bli lagt opp til at stillinga skal ha faste arbeidstider ved campus Førde. Den som blir tilsett må difor pårekne noko reiseaktivitet i stillinga.

Ansvars- og arbeidsoppgåver:

Ansvarsområdet for stillinga er administrasjon, sakshandsaming og rådgjeving knytt til HVL si internasjonale verksemd, med særleg vekt på arbeid med mobilitet og utvekslingsavtalar.

Døme på aktuelle arbeidsoppgåver i stillinga er m.a. arbeid med utvikling og forvaltning av studentutvekslingsavtalar og å koordinere mottak av internasjonale studentar.

Kvalifikasjonskrav:

Formelle kvalifikasjonar:

• Relevant høgare utdanning på minst bachleornivå, helst mastergrad
• Relevant administrativ erfaring
• Kompetanse innanfor stillinga sitt ansvarsområde
• God munnleg og skriftleg framstillingsevne på norsk og engelsk
• God digital kompetanse

Rådgjevaren må kunne arbeide sjølvstendig og strategisk, ta initiativ og vere pådrivar, og ha gode evner til samarbeid og kommunikasjon.

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving og utvikling
• Høve for trening i arbeidstida

Stillinga som rådgjevar er løna etter Statens lønsregulativ, i stillingskode 1434.

Frå løna blir det trekt 2 % innskot til Statens pensjonskasse.

Korleis søkje på stillinga?

Send søknad og CV ved å klikke på knappen merka ”Søk stilling” på denne sida.

Det er søkjaren sitt ansvar å sørge for at all relevant dokumentasjon er lagt inn innan fristen, m.a. attestar og vitnemål. Dersom vitnemål, karakterutskrifter eller annen dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsettingar. Dersom vedlegga er større enn 15 MB må dei komprimerast før opplasting eller leggast ved som lenkje.

Søknader kan ikkje sendast på e-post til einskildpersonar ved høgskulen.

Generell informasjon:

Vi gjer merksam på at opplysningar om søkjaren kan bli offentleggjort sjølv om søkjaren har bede om å ikkje bli oppført på søkjarlista (jf. ny offentleglov). Søkjaren vil bli varsla dersom ønskje ikkje vert teke til følgje.

Høgskulen på Vestlandet er under omstilling, og det kan bli gjort endringar i stillinga sitt ansvarsområde og plass i organisasjonen.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetting, rekruttere personar med minoritetsbakgrunn og personar med nedsett funksjonsevne. Høgskulen på Vestlandet er ei IA-verksemd.

Kontaktperson ved Høgskulen på Vestlandet er:

• Elin Kvaale, nestleiar ved Avdeling for forsking, innovasjon og internasjonalisering. Telefon +47 55 58 55 52

Søk stilling