Fagseksjonsleiar - Fagseksjon Master i sosialvitskap
Søknadsfrist: 31.01.2022
Høgskulen på Vestlandet
Høgskulen på Vestlandet (HVL) er ein av dei største høgskulane i landet, med om lag 1 800 tilsette og 16 000 studentar fordelte på fem campus i Førde, Sogndal, Bergen, Stord og Haugesund.
Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.
HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.
Fakultet for helse- og sosialvitskap har om lag 490 tilsette og om lag 4900 studentar. Vi har eit breitt utdanningstilbod innan helse- og sosialfaglege profesjonsutdanningar, etter- og vidareutdanningar og fleire masterprogram.
Fakultetet tilbyr ph.d.-utdanninga "Helse, funksjon og deltaking". I tillegg har Fakultet for helse- og sosialvitskap ansvar for forskingsområdet: "Innovasjon i offentleg sektor" i ph.d.-utdanninga Responsible Innovation and regional Development (RESINNREG), som er eit samarbeid på tvers av fakulteta.
Studentane våre får omfattande ferdigheitstrening i tillegg til praksis, mellom anna gjennom øvingar i kommunikasjon og utprøving ved eit avansert simuleringssenter, SimArena. Vi praktiserer fleksible læringsformer der studenten sjølv blir utfordra til å delta i forsking og utviklingsarbeid.
Ved Institutt for velferd og deltaking er vi omlag 100 tilsette og 1300 studenter fordelt på studiestadane Bergen og Sogndal. Vi tilbyr bachelorutdanningar i sosialt arbeid, vernepleie og barnevern, og tverrfaglege masterutdanningar i Samfunnsarbeid, Psykisk helse og rusarbeid og Familieterapi og relasjonelt arbeid, i tillegg til andre etter- og vidareutdanningar. Forskinga ved instituttet er fleirfagleg og rettar seg mot heile det helse - og sosialvitskaplege feltet. Både forsking og undervisning ved instituttet har sosial deltaking som kjerneverdi. Det gjeld deltaking gjennom involvering av tenestemottakarar, samt deltaking i sivilsamfunnet, arbeidslivet og i eigen individuell prosess.
Høgskulen på Vestlandet, Fakultet for helse- og sosialvitskap har ledig åremålsstilling som fagseksjonsleiar i 100% for perioden 01.08.2022 -31.07.2026.
Fakultet for helse- og sosialvitskap, Institutt for velferd og deltaking, har ledig 100% åremålsstilling som fagseksjonsleiar med tiltreding 01.08.2022.
Frå hausten 2022 tilbyr HVL Master i sosialvitskap med tre studieretningar; barnevernsarbeid, miljøterapeutisk arbeid og samfunnsarbeid. Studiet skal i full drift ha opptak av om lag 80 studentar årleg til dei tre studieretningane. Fagseksjonsleiar vil ha ansvar for fagleg og personalmessig leiing av etablering, utvikling og drift av Fagseksjon for Master i sosialvitskap.
Fagseksjonsleiar er ein del av leiinga ved Institutt for velferd og deltaking og har eit medansvar for utvikling av instituttet i samsvar med fakultetet sine målsetjingar og strategi.
Arbeidsstad er campus Bergen eller SogndalArbeidsstad er campus Bergen eller Sogndal. Ein må pårekne å arbeide deler av tida på den andre campusen.
Ansvars- og arbeidsoppgåver:
Ansvar for etablering av Master i sosialvitskap
Sikre den faglege kvaliteten, forskingsbasert utdanning og god samhandling med omgjevnadane i drifta av studiet
Sikre at studieplanane er i samsvar med fastsette krav og vidareutvikle kvalitet og relevans i studieprogramma
Medverke til god rekruttering av studentar og tilsette
Bidra til samarbeid på tvers av fagseksjonar og institutt
Arbeide for internasjonalisering av utdanning og forsking
Tilrettelegge for at tilsette deltek i forskingsgrupper på tvers av fagseksjonar og institutt
Ansvar for arbeidsplanar for tilsette i fagseksjonen
Ivareta personal- og HMS-ansvar for fagseksjonen sine tilsette
Ansvarleg for at fagseksjonen sine økonomiske rammer vert haldne, og sikre god og formålstenleg bruk av fagseksjonen sine ressursar
Arbeidsoppgåvene kan bli endra som følgje av strategiske vedtak i HVL eller fakultetet
Mynde
Mynde i stillinga er delegert frå instituttleiar, og fagseksjonsleiar rapporterer til instituttleiar. Vidare inngår fagseksjonsleiar i instituttet si leiargruppe og har medansvar for utvikling av instituttet i samsvar med høgskulen sin strategi, målsetjingar og verdigrunnlag.
Kvalifikasjonskrav:
Formell utdanning og kompetanse
Relevant høgare utdanning og vitskapleg kompetanse på førstestillingsnivå
Dokumentert kompetanse og erfaring innanfor instituttet sine fag- og forskingsområder
Leiarerfaring, dokumenterte resultat frå fagleg leiarstilling og resultat frå strategi og endringsarbeid
Forskingserfaring, inkludert erfaring frå prosjektleiing og utvikling av forskingssøknader
Generelle kompetansekrav
God forståing for høgskulen sitt samfunnsoppdrag
God pedagogisk kompetanse, m.a. god forståing for kunnskapsformidling og læreprosessar innanfor masterutdanning for ulike profesjonar
Interesse for og kunnskap om utviklingstrekk og trendar i universitets- og høgskulesektoren
Erfaring frå og kjennskap til dei profesjonar og praksisfelt som masterstudiet rettar seg mot
Erfaring med å utvikle og vedlikehalde relasjonar til ulike aktørar regionalt, nasjonalt og internasjonalt
God forståing for moglegheitene i digitale løysingar
God munnleg og skriftleg framstillingsevne i norsk og engelsk
Personlege eigenskapar
Gode leiareigenskapar og ein motiverande og inkluderande leiarstil med vekt på samarbeid og medverknad
Evne til framtidsretta, strategisk heilskapleg perspektiv
Gode evner til kommunikasjon, samhandling og til å bygge tillit og relasjonar internt og eksternt
Gjennomføringsevne og resultatorientering
Kreativitet, løysings- og utviklingsorientering
Stort engasjement for å nå høgskulen sine ambisjonar
Vi tilbyr:
Gode pensjons-, forsikrings-, og låneordningar i Statens pensjonskasse
Spennande fagmiljø med moglegheit for kompetanseheving - og utvikling
Høve t trening i arbeidstida
Stillinga som fagseksjonleiar er løna etter Statens lønsregulativ, i stillingskode 1473 - studieleiar.
Frå løna vil det bli trekt 2 % innskot til Statens pensjonskasse.
Korleis søke på stillinga?
Send søknad og CV ved å klikke på knappen merka ”Søk stilling” på denne sida.
Det er søkjar sitt ansvar å sørge for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar. Dersom vedlegga overskrid 15 MB må dei komprimerast før opplasting eller leggast ved som lenke.
Søknadar kan ikkje sendast på e-post til enkeltpersonar ved høgskulen.
Generell informasjon:
Me gjer merksam på at jfr. ny offentlegheitslov kan opplysningar om søkjaren bli gjort offentleg sjølv om søkjaren har bedt om ikkje å bli ført opp på søkjarlista. Søkjaren vil bli varsla dersom ynskje ikkje vert teke til følgje.
Det kan bli endringar i stillinga sitt ansvarsområde og plass i organisasjonen.
Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.
