HK-dir

Direktoratet for høgare utdanning og kompetanse (HK-dir) har eit samla, nasjonalt ansvar for forvaltingsoppgåver innafor høgare utdanning, høgare yrkesfagleg utdanning og kompetansepolitikk. Vi er fagleg rådgivar for Kunnskapsdepartementet, og iverksetter politikken og samordner verkemidlane.

Direktoratet skal bidra til å utvikle kvaliteten i utdanning og opplæring, styrkje det internasjonale samarbeidet og bidra til digital omstilling av universitet og høgskular. Vi jobber for å løfte kompetansen i folkesetnaden, gjere utdanning og opplæring av høg kvalitet tilgjengeleg for alle heile livet, og sikre arbeidslivet tilgang på kompetent arbeidskraft.

Les meir om HK-dir her.

Vi har kontorer i Bergen, Oslo, Tromsø og Trondheim

Vil du vera med å bidra til innovasjon i utdanning og til å realisere feltet livslang læring?

Om stillinga

Direktoratet for høgare utdanning og kompetanse har ledig tre faste stillingar som rådgjevar/seniorrådgjevar i avdeling for innovasjon i utdanning. Arbeidsstad for stillingane vil vere i Tromsø. Tiltreding snarast mogleg.

Om ossHK-dir skal vere ein fagleg rådgjevar, samordnar og iverksettar for innovasjon i høgare utdanning og forsking Dette skjer mellom anna gjennom finansiering og oppfølging av utviklingsprosjekt, kunnskapsutvikling, kommunikasjon og rådgiving. Arbeidet med kompetansepolitikk og livslang læring er ei viktig satsing for organisasjonen.

Vi søkjer kandidatar som ønskjer å arbeide med innovasjon i utdanning og livslang læring i høgare utdanning, og som kan tilføre verksemda kunnskap om felta og analytisk kapasitet. Dei vi ser etter må evne å arbeide sjølvstendig og nøyaktig, tenke analytisk og ha gode evner til samarbeid og relasjonsbygging. Vi legg særleg vekt på at kandidaten er godt eigna for stillinga.

Arbeidsoppgåver

• utlysing og søknadsvurdering, samt oppfølging av prosjekt ved lærestadene
• arbeid med satsing på innovasjon i utdanning og livslang læring
• delta i nasjonale nettverk og samarbeidsfora
• utgreiings- og analyseoppgåver
• forvalting, rådgjeving, formidling og nettverksbygging
• bidra til å samle og formidle kunnskap generert gjennom HK-dirs tilskotsportefølje
• tilrettelegging for spreiing og resultatformidling

Kandidaten må kunne representere HK-dir i ulike fora, og noko reising må påreknast

Krav til kvalifikasjonar

• høgare utdanning på masternivå og/eller tilsvarande realkompetanse i fag som er relevante for arbeidsområda i avdelinga
• kunnskap om innovasjon i utdanning
• kjennskap til kompetansepolitikken og område livslang læring
• god kjennskap til universitets- og høgskulesektoren
• gode norsk- og engelskkunnskapar, munnleg og skriftleg
• god digital kompetanse

Ønska tilleggskvalifikasjonar

• gode samfunnsvitskaplege metodekunnskapar
• erfaring frå offentleg forvalting

Vi tilbyr

• eit uformelt og godt fag- og arbeidsmiljø
• høve til opplæring og fagleg utvikling
• fleksibel arbeidstidsordning
• gode pensjons- og låneordningar frå Statens pensjonskasse
• høve til trening i arbeidstida

Lønsvilkår

Stillingane vert løna som rådgivar (kode 1434) eller seniorrådgivar (kode (1364) innanfor lønsspenn kr 573 900 – kr 728 100, etter kvalifikasjonar. For særs godt kvalifiserte kan høgare lønn vurderast. Trekk til pensjonstilskot i Statens pensjonskasse er på 2 %.

Generell informasjon

Inkluderande arbeidsliv og mangfald

Arbeidsstyrken skal i størst mogleg grad spegle mangfaldet i samfunnet og utnytte potensialet i folkesetnaden si samla kompetanse. Vi oppmodar difor kvalifiserte kandidatar med ulik utdanning, arbeids- og livserfaring, og kandidatar som av ulike årsaker ikkje kan dokumentere ei samanhengande yrkeskarriere, til å søkje jobb hos oss. Vi oppmodar difor søkarar til å krysse av i Jobbnorge dersom dei oppfyller krava. Avkryssinga  i Jobbnorge dannar grunnlag for anonymisert statistikk, som alle statlege verksemder rapporterar i sine årsrapportar.

Offentleg søkjarliste

Opplysningar om deg som søkjar kan gjerast offentleg sjølv om du har bede om konfidensiell behandling. Du vert varsla dersom ønske om reservasjon ikkje vert imøtekome, jf. offentleglova § 25.

Søknad

Søknad og komplett CV med oversyn over utdanning og tidlegare praksis, vedlagt skanna vitnemål og attestar skal leggast inn via lenke på denne sida (Jobbnorge). Vi oppmodar om å gje tilgang til vitnemålsportalen.

Kontaktinformasjon

Spørsmål om stillingane kan rettast til:

• Avdelingsleiar Ann-Tove Eriksen på tlf. 996 44 514

Vidare kan ein vende seg til HR-rådgivar Tone Berg Stiansen på tlf. 934 67 877 for generelle spørsmål om stillinga.

Søk på stillingen