Ledig stilling ved Havforskingsinstituttet
Overingeniør (fast 100 % stilling)
Søknadsfrist: 09.08.2019
Er du vår nye ekspert innan mikrobiologi?
Om stillinga
Me søkjer etter ein overingeniør i fast 100 % stilling. Stillinga tilhøyrer molekylærbiologisk laboratorium i Bergen. Laboratoriet har mellom anna ansvar for biokjemisk og mikrobiologisk analyse av sjømat. Molekylærbiologisk laboratorium held til på Nordnes i Bergen.
Til denne stillinga søkjer vi etter ein person med mikrobiologisk kompetanse. På mikrobiologisk laboratorium er dei fleste metodane akkreditert etter ISO17025 standarden.
Sentrale arbeidsoppgåver
- Mikrobiologiske analysar av matvarer, fyrst og framst sjømat (kvalitetsforringande mikroorganismar og smittestoff som Listeria monocytogenes, Salmonella og Vibrio)
- Metodeutvikling og forbetring av etablerte metodar
- Instrumentansvar
- Andre oppgåver knytt til laboratoriedrift
- Deltaking på felt- og/eller forskingstokt kan verta aktuelt i denne stillinga
Kvalifikasjonskrav
Den som blir tilsett må meistre norsk og engelsk, skriftleg og munnleg. I tillegg ser vi etter deg som fyller desse kriteria:
- Mastergrad i mikrobiologi, eller tilsvarande
- Lang arbeidserfaring innan det aktuelle fagområdet kan kompensere for utdanningskravet
- Kan jobbe sjølvstendig med innføring av nye metodar
Ynskjeleg kvalifikasjonar
- erfaring med molekylærbiologiske metodar
- kjennskap til antibiotikaresistensanalysar
- erfaring med mikrobiologisk identifisering med Maldi-Tof MS
- kjennskap til bruk av LIMS
- kjennskap til kvalitetssikring
Personlege eigenskapar
Vi på Havforskningsinstituttet er overtydd om at personlegdom spelar ei rolle i korleis ein jobbar, kommuniserar og trivs på arbeidsplassen. Til denne stillingen ser vi for oss ein medarbeidar som
- lærer av eigne erfaringar, og som set pris på innspel frå dei rundt seg
- tek initiativ, søkjer nye utfordringar og går i bresjen for nye tiltak
- fremjar lagspel, gjennom å dele informasjon og søkje kompromiss for å skape vinn-vinn situasjonar
- held humøret oppe og arbeidar konstruktivt under press og endring
Vi tilbyr:
- arbeid i ein av Europa sine leiande forskningsinstitusjonar, med stor samfunnsmessig relevans
- eit spanande og solid fagmiljø
- lokaler sentralt i Bergen
- fleksitidsordning, med sommar- og vintertid
- offentleg tenestepensjonsordning i Statens Pensjonsordning
- bedriftshytter
- bedriftsidrettslag
- trening i arbeidstida
Ytterlegare informasjon
Stillinga vert lønt i stillingskode 1087 overingeniør, i samsvar med Hovedtariffavtalen i staten. Frå løna vert det trekt 2 % innskot til Statens pensjonskasse.
Søknad må sendast elektronisk via JobbNorge. CV, relevante attestar og vitnemål må leggast ved i søknaden. Vi gjer merksam på at opplysningar om søkjarar kan bli offentleggjorde, sjølv om søkjaren har bedt om å vera unnateken søkjarlista. Søkjaren vil bli orientert om dette på førehand.
Havforskingsinstituttet har fokus på mangfald, og vi oppfordrar alle kvalifiserte kandidatar til å søkje jobb hos oss, uavhengig av alder, kjønn, funksjonsevne, nasjonalitet eller etnisk bakgrunn. Havforskingsinstituttet er ei IA-bedrift, og ynskjer å legge forholda til rette for søkjarar med redusert funksjonsevne.
Ynskjer du fleire opplysninger om stillinga kan du kontakte:
- Elin Danielsen, seksjonssjef, telefonnummer: 400 34 027, e-post: elin.danielsen@hi.no
- Cecilie Svanevik, forskar, telefonnummer: 959 72 765, e-post: cecilie.svanevik@.no
Besøk gjerne nettsidene våre på www.imr.no.