Stilling:
2 stillingar innan systemutvikling – over- / senioringeniør – datahandtering
Søknadsfrist: 05.04.2019
Om stillinga
Ved faggruppe Norsk Marint Datasenter (NMD) er det ledig to faste stillingar som systemutviklar med arbeidsstad p.t. Bergen. NMD arkiverer og legg til rette forskingsdata med hovudfokus på Havforskingsinstituttet sine data (hydrografi-, plankton-, egg/larve/yngel-data, akustikkdata og næringssalter). Forskingsdata skal gjerast tilgjengelege i digitale media.
Arbeidsoppgåver vil vera systemutvikling retta mot prosessering, visualisering, forvalting og publisering av ulike marine forskingsdata. Noko felt- og toktarbeid og anna reiseverksemd knytt til stillinga kan påreknast.
Kvalifikasjonar
Søkjarar bør ha universitets-/høgskuleutdanning på mastergradnivå innan realfag. Lengre arbeidserfaring innanfor det aktuelle fagområdet kan kompensere for utdanningskravet.
Søkjarar bør ha kompetanse innan databehandling/informatikk og relevant erfaring. Kompetanse innan desse systema og plattformene er å føretrekkja:
- Systemutvikling med bruk av Java/Javascript/Angular og bruk av REST-arkitektur
- Relasjonsdatabasesystem PostgreSQL med PostGIS
- Byggesystemet Maven
- Scriptspråket Phyton
- Linux-baserte serverar
- Agile teknikkar organisert med SCRUM-metodikken
Gode kommunikasjons- og samarbeidsevner, evne til å arbeide sjølvstendig og målretta og kunne ta ansvar som prosjektleiar vert vektlagt.
Vi tilbyr
- 2 interessante og utfordrande stillingar i eit godt arbeidsmiljø med mykje internasjonal kontakt
- Fleksibel arbeidstid og gode pensjons- og velferdsordningar
Ytterlegare informasjon
Stillinga blir løna etter Statens lønnsregulativ som 1087 overingeniør/1181 senioringeniør etter kvalifikasjonar og erfaring.
Dersom du ønskjer meir informasjon kan du kontakte faggruppeleiar Helge Sagen, tlf. 95 21 50 46, e-post: Helge.Sagen@hi.no.
Havforskingsinstituttet er ei IA-verksemd som er opptatt av mangfald og vi oppmodar alle kvalifiserte kandidatar til å søkje stillinga. Vi gjer merksam på at opplysingar om søkjar kan offentleggjerast sjølv om søkjar har bede om å ikkje bli oppført på søkjarlista. Søkjar vil bli orientert om dette på førehand.
Send søknaden med CV, relevante attestar og vitnemål elektronisk via link på denne sida.
Søknadsfrist 5. april