Førsteamanuensis i pedagogikk knytt til lærerutdanninga
Søknadsfrist: 15.08.2021
Universitetet i Bergen
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Førsteamanuensis
Ved Institutt for pedagogikk, Det psykologiske fakultet, er det ledig ei stilling som førsteamanuensis i pedagogikk knytt til pedagogikk i lærarutdanninga.
Institutt for pedagogikk har ansvar for pedagogikkundervisninga i UiB si integrerte lektorutdanning og PPU. I tillegg tilbyr instituttet rettleiarutdanning og er involvert i partnarskap med skular i samband med ordninga desentralisert kompetanseutvikling. I lærarutdanninga jobbar ein blant anna med å imøtekomme regjeringas strategi for lærarutdanning 2025. Instituttet har ein sterk kultur for utvikling av undervisningstilbodet.
Institutt for pedagogikk har sju forskingsgrupper, og kan tilby eit dynamisk og fagleg utfordrande miljø for forsking. Vi arbeider aktivt med å styrkje forskingsaktiviteten ved instituttet, spesielt med omsyn til internasjonalisering, publisering og søknadsskriving, og ynskjer at personen som blir tilsett skal bidra til dette.
Arbeidsoppgåver/forskingsområde:
bidra til forskingsfronten innan pedagogikkfaget gjennom aktiv deltaking i ei av instituttet sine forskingsgrupper
initiere og ta del i samarbeid om forskingsprosjekt, søknadsskriving og publisering
undervise på programma for pedagogikk i lærarutdanninga
engasjere seg i praksissamarbeid og partnarskap med skular
ta del i teamarbeid retta mot fagutvikling og forsking som støttar opp om lærarutdanninga
samarbeide om studiekvalitet og evaluering
rettleie doktorgradskandidatar
ta del i administrative oppgåver, møter og komitéarbeid knytt til lærarutdanninga
Kvalifikasjonar og eigenskapar:
søkjarar må ha doktorgrad i pedagogikk eller doktorgrad i eit fagområde med relevans for pedagogikk i lærarutdanninga
søkjarar må kunne dokumentere forsking innanfor område med tema av relevans for pedagogikk i lærarutdanninga
det vil telje positivt om søkjaren har tatt del i internasjonale nettverk, og har internasjonal publisering på høgt nivå
det vil telje positivt om søkjaren har erfaring med, og eventuelt fått gjennomslag på, søknader om forskingsmidlar
søkjarar må kunne dokumentere undervisningskompetanse på universitetsnivå, innafor område med tema av relevans for lærarutdanninga - slik det kjem fram i skildringar av emne og studieprogram
søkjarar må kunne vise god evne til fagleg formidling
erfaring med digital læring og studentaktive læringsformer i høgare utdanning vil vere ein føremon
utdanningsfaglig kompetanse er eit krav for stillinga, sjå «Regler for vurdering av utdanningsfaglig kompetanse ved UiB». Dersom den som blir tilsett ikkje kan dokumentere tilstrekkeleg utdanningsfagleg kompetanse ved tilsetting, må krava vere oppfylte innan to år.
personlege eigenskapar som er naudsynte for stillinga vil verte vektlagt
Det blir kravd at den som vert tilsett kan undervise på norsk eller eit anna skandinavisk språk ved tilsetjing.
Det vil bli gjennomført intervju, prøveforelesing og referanseinnhenting i tilsetjingsprosessen. Den som vert tilsett må rette seg etter dei retningslinene som til kvar tid gjeld for stillinga.
Dersom det ikkje melder seg kompetente søkjarar for fast tilsetjing, kan det vere aktuelt med midlertidig stilling for en periode på inntil to år dersom det er sannsynleg at vedkommande vil oppnå kvalifisering som førsteamanuensis i løpet av denne perioden jf. universitets- og høgskolelova § 6-5 (1). Ved utløpet av tilsetjingsperioden vil kompetansen til den det gjeld bli vurdert på nytt med tanke på fast tilsetjing.
Vi tilbyr:
Spennande og utviklande arbeidsoppgåver i et sterkt fagmiljø
Løn etter lønssteg 68 - 74 (kode 1011/lønsramme 24, minimum alternativ 8) i lønsregulativet til staten ved tilsetjing. Dette utgjer ei årsløn på kr 626 100 - 702 100 brutto. Vidare opprykk skjer etter tenesteansiennitet. For særleg kvalifiserte søkjarar kan det verte aktuelt å vurdere høgare løn.
Liste med vedlegg som dokumenterer dine pedagogiske kvalifikasjonar. Nærare informasjon om dokumentasjon av utdanningsfagleg kompetanse finn du her
Liste over vitskapelege arbeid du vil det skal takast omsyn til ved vurderinga, med opplysningar om kvar dei er offentleggjorde
Vitskapelege arbeid du vil det skal takast omsyn til ved vurderinga må lastast opp i sin heilskap (max. 10)
Vi gjer merksame på at søknader vert vurdert med den informasjonen som er knytt til søknaden i JobbNorge når søknadsfristen går ut. Vedlegga må vere på engelsk eller eit skandinavisk språk, og eventuelle omsetjingar må vere attesterte. Det er søkjar sitt ansvar å sørgje for at all informasjon er lagt inn innan fristen.
Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden.
Generell informasjon:
Utfyllande opplysningar om stillinga kan ein få ved å vende seg til:
Astrid Tolo, instituttleiar/førsteamanuensis, e-post: astrid.tolo@uib.no, tlf.: 47 55584881
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn, hol i CV eller personar med nedsett funksjonsevne blir oppmoda om å søkje stillinga. Opplysningar om nedsatt funksjonsevne eller hol i CV, kan verte brukt til registreringsføremål i Universitetet i Bergen sin inkluderingsdugnad.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
