Nord universitet

Utfordringar verda står overfor krev ny innsikt, innovative løysingar og lokal forankring. Nord universitet er eit ungt universitet med sterk regional tilknyting og eit globalt perspektiv. Vi leverer framtidsretta studietilbod og relevant forsking med fokus på blå og grøn vekst, innovasjon og entreprenørskap, og velferd, helse og oppvekst. Nord universitet har 12.000 studentar og 1.200 tilsette fordelt på ni studiestader.

Handelshøgskolen (HHN) utdannar morgondagens økonomar, leiarar og innovatørar. Gjennom tett samarbeid med næringslivet, offentleg forvalting og samfunnet gir Handelshøgskolen relevant utdanning og forsking på internasjonalt nivå. Fakultetet tilbyr doktorgrad (ph.d) i bedriftsøkonomi.

Handelshøgskolen har 2800 studentar og 230 tilsette. Det faglege miljøet er organisert i faggruppene Innovasjon og entreprenørskap, Marknad, organisasjon og leiing, Økonomisk analyse og rekneskap, og Trafikk.

Les meir: HHN.

Vil du være med på å forme entreprenørskapsutdanning for framtida?

Om stillinga

Ved Handelshøgskolen Nord universitet, studiestad Bodø er det ei ledig stilling som førsteamanuensis i entreprenørskap. Stillinga er knytt til Engage - Center for engaged education through entrepreneurship. Vi søkjar etter ein engasjert og handlekraftig førsteamanuensis som ønsker å vere ein del av eit breitt nasjonalt og internasjonalt undervisnings- og forskingsmiljø i entreprenørskap og innovasjon ved Handelshøgskolen Nord.

Arbeidsoppgåvene vil vere knytt til Engage - Center for engaged education through entrepreneurship. Engage er eit ‘Senter for fremragende utdanning (SFU)’ og er eit samarbeid mellom NTNU og Nord universitet. Engage skal vidareutvikle utdanning og undervisningsformer for å skape entreprenørielle evner og haldningar hos studentar innan alle disiplinar og profesjonar.

Den som vert tilsett vil ha ansvar for utvikling av utdanning og undervisning innan entreprenørskap i samarbeid med dei aktuelle fagmiljøa. Arbeidet vil være prosjektorganisert, og den som vert tilsett vil arbeide med ulike prosjekter innan Engage. Stillinga vil ha ansvar for prosjekt om utvikling av ulike former for entreprenørskapsutdanning med fokus på berekraft. Den som vert tilsett skal og bidra på ulike prosjekt knytt til reiseliv, der studentar og næringsaktørar skal jobbe saman om innovasjon. Vi ønsker derfor ein person med kunnskap om berekraftperspektiv og om innovasjon i reiselivsnæringa. Vidare må søkaren ha erfaring frå utvikling og gjennomføring av undervisning i høgare utdanning. Allmenn formidling og samarbeid med eksterne aktørar er sentralt i Engage. Erfaring frå og initiativ til allmennretta formidlingstiltak vil derfor vere ein fordel.

Fram til april 2020 vil 70% av stillinga vere knytt til eit forskingsprosjekt om universitet-industri samarbeid i Nord-Noreg. Forskingsprosjektet set krav til kompetanse knytt til forsking omkring samarbeid for berekraftig innovasjon og utvikling av entreprenørielle bedrifter i eit nordleg perspektiv.

Vi ønsker at vår nye kollega skal bidra aktivt i forsking på entreprenørskap og entreprenørskapsutdanning. Vi søkjer ein person som kan vise til forsking av høg kvalitet, gjerne med dokumentert potensial for publisering i leiande entreprenørskapstidsskrift og presentasjon av forsking på leiande entreprenørskapskonferansar. Dokumentert nettverk til internasjonalt leiande forskarar/forskingsmiljø vil telle positivt. Omfang av erfaring frå forsking vil vurderast i høve til når doktorgrad vart levert.

Det er eit krav at den som vert tilsett meistrar norsk og engelsk skriftleg og munnleg sidan stillinga inneber utvikling av kurs som vert undervist på norsk og engelsk. Stillinga vil ha kontorstad i Bodø, men ho kan og innebere arbeidsoppgåver ved Nord universitet sine andre studiestader.

Kandidatar med nyleg fullført doktorgrad kan søkje. Handelshøgskolen har ei overvekt av menn i faglege stillingar. Vi oppmodar særskild kvinner til å søkje stillinga.

Kvalifikasjonskrav

• Doktorgrad i entreprenørskap eller anna relevant fagområde
• Erfaring frå forsking innan entreprenørskap med fokus på berekraft og/eller frå forsking omkring innovasjon i reiselivsnæringa vil vere ein fordel
• Kompetanse knytt til forsking omkring samarbeid for berekraftig innovasjon og utvikling av entreprenørielle bedrifter i eit nordleg perspektiv
• Dokumentert internasjonalt forskingsnettverk og erfaring frå presentasjon av forsking på leiande internasjonale konferansar innan entreprenørskap
• Erfaring og gode tilbakemeldingar frå undervisning og rettleiing i høgare utdanning
• Erfaring frå allmennretta formidling
• God gjennomføringsevne, og evne til å handtere fleire ulike oppgåver på same tid
• God munnleg og skriftleg formuleringsevne både på norsk (ev. skandinavisk språk) og engelsk. For søkjarar som ikkje har eit av de skandinaviske språka som morsmål, må både munnleg og skriftlege språkferdigheiter kunne dokumenterast.
• Universitetspedagogisk basisutdanning er eit krav for stillingen. Søkjarar som ved tilsetjing ikkje kan dokumentere pedagogisk basiskompetanse, må skaffe seg denne kompetansen i løpet av ein toårsperiode. Nord universitet tilbyr et emne i universitetspedagogikk som dekker dette kravet.

Gode samarbeidsevner og personlege eigenskapar vil verta lagt vekt på.

Vi tilbyr

Stillinga er løna etter Statens lønsregulativ, kode 1011 førsteamanuensis. Løn etter kvalifikasjonar og ansiennitet. Frå løna går lovfesta innskot til Statens pensjonskasse.

• God låne-, forsikrings- og pensjonsordning i Statens pensjonskasse
• Kreativt og kollegialt arbeidsmiljø
• Spanande arbeidsoppgåver og moglegheit til å være med å utvikle eit framifrå kunnskapsmiljø
• Ein arbeidsplass i stadig utvikling
• Fleksibel arbeidstid
• Aktivt bedriftsidrettslag

Generell informasjon

Den som vert tilsett må rette seg etter dei lovene, avtalane og instruksane som til kvar tid gjeld for stillinga. Det må takast atterhald om endringar i ansvars- og arbeidsområde som følgje av framtidig organisasjonsutvikling og omorganisering ved Nord universitet.

Aktuelle kandidatar vil kallast inn til intervju.

Den statlege arbeidsstyrken skal i størst mogleg grad spegla mangfaldet i befolkninga. Personar med innvandrarbakgrunn vert oppmoda til å søkje stillinga. Universitetet praktiserer moderat kjønnskvotering i samsvar med lokal tilpassingsavtale til Hovudavtalen i Staten.

Kontakt

Nærare opplysningar om stillinga kan ein få ved å ta kontakt med:

• Professor Gry Agnete Alsos, tlf. 755 17651, epost: gry.a.alsos@nord.no.
• Administrative spørsmål kan gå til Ellen Abelgård, tlf 755 17668, epost: ellen.abelgard@nord.no

Søknad

Søknad med CV, attestar og vitnemål må sendast elektronisk innan 25.09.2018

• Søknadsbrev
• Uttømmande curriculum vitae CV (som samanfattar utdanning, stillingar, pedagogisk og administrativ erfaring og andre kvalifiserande aktivitetar)
• Kopi av vitnemål og attestar Fullstendig liste over vitskapleg arbeid
• Fullstendige kopiar av eit utval på inntil 10 av søkarens mest relevante publikasjonar/ akademiske arbeid som søkaren ønskjer skal vurderast, og ei liste over desse. Doktorgradsavhandlinga må leggjast ved som eit av desse arbeida.
• Anna aktivitet som ein ser som relevant for stillinga, og ein ønskjer med i vurderinga.

All dokumentasjon som du ønskjer det skal takast omsyn til, skal leggjast inn som vedlegg til søknaden. Det er søkaren sitt ansvar å sende inn fullstendig dokumentasjon elektronisk innan søknadsfristen.

I samsvar med offentleglova § 25, kan opplysingar om søkar verta unnateke frå offentleg søkarliste, dersom søkaren sjølv ber om det. Søkarar som ber om konfidensialitet, må grunngi dette særskild i søknaden. Søkaren vert varsla dersom oppmodinga ikkje blir teken til følgje.

All dokumentasjon som det skal takast omsyn til, skal lastast opp som vedlegg til søknaden. Fullstendig elektronisk dokumentasjon må sendast inn innan søknadsfristen.

Søknadsfrist: 25.09.2018

Ref.nr. 30081097

Søk på stillingen

fnokode:1234