Ledig stilling ved Universitetet i Bergen
Førsteamanuensis i arbeids- og organisasjonspsykologi
Søknadsfrist 31.03.2019
UiB - Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Førsteamanuensis
Ved Institutt for samfunnspsykologi, Det psykologiske fakultet er det ledig ei fast stilling som førsteamanuensis i arbeids- og organisasjonspsykologi.
Arbeidsoppgåver/forskingsområde:
- Undervisning og rettleiing i arbeids- og organisasjonspsykologi, og på andre studieprogram der arbeids- og organisasjonspsykologi inngår
- Andre undervisningsoppgåver kan òg verte aktuelle
- Administrative oppgåver, møtedeltaking og komitéarbeid på line med dei andre tilsette ved instituttet
- Samarbeide tett med kollegaer innan fagfeltet og andre ved instituttet
- Delta i instituttet si forsking innan arbeids- og organisasjonspsykologi
- Bidra til å utvikle nasjonale og internasjonale forskarnettverk innan arbeids- og organisasjonspsykologi
- Initiere og å ta del i søknadsskriving
- Styrking av praksisprofilen til bachelor- og masterprogrammet i arbeids- og organisasjonspsykologi
Kvalifikasjonar og eigenskapar:
- Søkjar må på søknadstidspunktet ha doktorgrad eller tilsvarande innanfor arbeids- og organisasjonspsykologi
- Søkjar må ha undervisning- og forskingskompetanse innafor arbeids- og organisasjonspsykologi
- Det vil telje positivt med forskingserfaring knytt til fagfelta leiing, team, arbeidsmiljøutvikling og organisasjonsutvikling
- Det vil telje positivt med erfaring knytt til rolla som internkonsulent, eksternkonsulent eller andre rådgjevingstenester og formidlingsverksemd
- Det vil telje positivt med erfaring knytt til næringslivskunnskap, administrativ erfaring og leiingskompetanse
- Det vil telje positivt å ha gjennomført sjølvstendig forsking og publisering i internasjonale tidsskrift også etter fullført doktorgrad
- Det vil vere ynskjelig med brei kompetanse innan metode
- Han eller ho må ha gode kommunikasjons- og samarbeidsevner og må samarbeide godt med både kollegaer og studentar
- Han eller ho må ha evne til å skape eit godt læringsmiljø
- Pedagogisk basisutdanning er eit krav for stillinga. Den som vert tilsett vil få tilbod om opplæring dersom kravet ikkje er oppfylt før tilsetjing
- Undervisningsspråket er i hovudsak norsk. Det blir kravd at den som blir tilsett, kan undervise på norsk eller eit anna skandinavisk språk ved oppstart
Vi tilbyr:
- Spennande og utviklande arbeidsoppgåver i et sterkt fagmiljø
- Løn etter lønssteg 64 - 70 (kode 1011/lønsramme 24, minimum alternativ 8) i lønsregulativet til staten ved tilsetjing. Dette utgjer ei årsløn på kr 565 100 - 631 300 brutto. Vidare opprykk skjer etter tenesteansiennitet. For særleg kvalifiserte søkjarar kan det verte aktuelt å vurdere høgare løn.
- Medlemskap i Statens pensjonskasse
- Gode velferdsordningar
Søknaden skal innehalde:
- CV
- Vitnemål og attestar
- Fullstendig publikasjonsliste
- Liste med vedlegg som dokumenterer dine pedagogiske kvalifikasjonar
- Liste over vitskapelege arbeid du vil det skal takast omsyn til ved vurderinga, med opplysningar om kvar dei er offentleggjorde
- Vitskaplege arbeid søkjaren vil det skal takast omsyn til ved vurderinga (maksimalt 10)
Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.
Vi gjer merksam på at søknader vert vurdert med den informasjonen og dei vedlegg som er knytt til søknaden i JobbNorge når søknadsfristen går ut. Det er søkjar sitt ansvar å sørgje for at all informasjon er lagt inn innan fristen.Det er særs viktig at kvart av vedlegga som det skal takast omsyn til ved vurdering i sin heilskap vert lasta opp som vedlegg til søknaden jf. siste kulepunkt.
Generell informasjon
Utfyllande opplysningar om stillinga kan ein få ved å vende seg til:
- Instituttledar Roar Espevik, e-post: roar.espevik@uib.no, Tlf: 55 58 23 26
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.