Ledig stilling ved Universitetet i Bergen
Førsteamanuensis (20% bistilling) i klinisk ernæring
Søknadsfrist: 03.11.2019
UiB - Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Førsteamanuensis
Ved Det medisinske fakultet, Klinisk institutt 1, er det ledig ei åremålsstilling som førsteamanuensis (20 % bistilling) i klinisk ernæring i 3 (tre) år frå tilsetjing. Bistillinga er knytt til fast hovudstilling ved et av Universitetet i Bergen sine samarbeidande helseføretak, til dømes Haukeland Universitetssjukehus eller Haraldsplass Diakonale Sjukehus. Arbeidsstad er ved Senter for ernæring.
Arbeidsoppgåver/forskingsområde:
- Den som skal tilsetjast skal være emneansvarlig, bidra i undervisning og være rettleiar ved bachelor- og masterutdanninga i ernæring. I tillegg bidra inn i administrative oppgåver knytt til ernæringsstudiet
- Den som skal tilsetjast skal bidra i forsking ved Senter for ernæring via rettleiing på bachelor-, master- og doktorgradsprosjekt og evt eigne forskingsprosjekt
- Undervisninga er knytt til bachelorprogrammet i human ernæring og masterprogrammane i klinisk og human ernæring
- Undervisingsspråket er til vanleg norsk.
Kvalifikasjonar og eigenskapar:
- søkjar må ha norsk doktorgrad i klinisk ernæring eller tilsvarande kompetanse, og vere autorisert klinisk ernæringsfysiolog
- det vert lagt vekt på erfaring innan klinisk ernæring frå primær- eller spesialisthelsetenesta, undervisning og rettleiing på bachelor- og masternivå, leiing av forskingsprosjekt eller annen relevant arbeidserfaring, samt dokumentert vilje og evne til samarbeid
- Pedagogisk basisutdanning/undervisningserfaring er eit krav for stillinga, sjå retningsliner på http://www.uib.no/mofa/65433/ledige-stillinger . Den som vert tilsett vil få tilbod om opplæring dersom kravet ikkje er oppfylt før tilsetjing.
- må beherske norsk og engelsk munnleg og skrifteleg
Vi tilbyr:
- eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt
- faglege utfordringar med gode høve for personleg utvikling og kompetanseutvikling
- løn etter lønssteg 66 (kode 1011/lønsramme 24.10), for tida kr 594 400 eller lønssteg 68 (spesialist) for tida kr 615 900. Løn er brutto pr. år for ei fulltidsstilling i lønsregulativet til staten ved tilsetjing, og vidare opprykk skjer etter tenesteansiennitet i stillinga. For særleg kvalifisert søkjar kan det verte aktuelt å vurdere høgare løn
- medlemsskap i Statens pensjonskasse
- Gode velferdsordningar
Søknaden skal innehalde:
- CV, vitnemål og attestar
- fullstendig publikasjonsliste
- liste med vedlegg som dokumenterer dine pedagogiske kvalifikasjonar
- ei liste over vitskaplege arbeid du vil det skal takast omsyn til ved vurderinga, med opplysning om kvar dei er offentleggjorde
- vitskaplege arbeid du vil det skal takast omsyn til ved vurderinga (maks 10) som pdf
- to referansar (namn og kontaktinformasjon)
Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden (pdf).
Generell informasjon:
Utfyllande opplysingar om stillinga kan ein få ved å venda seg til:
- Professor Jutta Dierkes, tlf. 55977344, e-post: jutta.dierkes@uib.no
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane om moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.