Forskar i informatikk – formalisering av algoritmar i bevisassistentar
Søknadsfrist: 30.06.2022
Universitetet i Bergen
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Forskar i informatikk – formalisering av algoritmar i bevisassistentar
Ved Institutt for informatikk er det ledig ei mellombels stilling som forskar i informatikk – algoritmar.
Stillinga er for ein periode på 2 år og knytt til prosjektet «Symboalgo», finansiert av Forskingsrådet.
Om instituttet
Digitalisering av næringsliv, offentleg forvaltning og utdanning gjer at informatikk spelar ei stadig viktigare rolle i samfunnsutviklinga. Forsking og utdanning i informatikk er avgjerande for at den digitale transformasjonen av samfunnet skal lykkast. Institutt for informatikk bidreg til dette gjennom sju etablerte forskingsgrupper som leverer forsking og utdanning av høg internasjonal kvalitet innan algoritmar, bioinformatikk, maskinlæring, optimering, programmeringsteori, sikker kommunikasjon og visualisering. Vi bygger i tillegg opp en gruppe innan informatikk fagdidaktikk. Instituttet tilbyr moderne og oppdatert utdanning på bachelor-, master- og ph.d.-nivå.
På grunn av den sentrale rolla som informatikk spelar i samfunnet, er instituttet i sterk vekst når det gjeld talet på studentar, forskingsretningar og tilsette. Vi har i dag om lag 900 studentar, 150 tilsette, deriblant 37 førsteamanuensar og professorar og 70 stipendiatar. Vi har etablert Center for Data Science (CEDAS) som ei viktig utviding av aktivitetane våre innan forsking og utdanning.
Om prosjektet/arbeidsoppgåver:
Hovudmålet med prosjektet SYMBOALGO er utviklinga av algoritmar som opererer på symbolske representasjonar av kombinatoriske objekt. Som forskar i prosjektet vil du arbeide med formalisering av slike kombinatoriske algoritmar i Coq proof-assistenten, og med implementering av formelt verifiserte algoritmar for kombinatoriske problem. Du bør ha genuin interesse for underfelt av diskret matematikk, slik som kombinatorikk, algoritmar, osb., og sterk dokumentert ekspertise i å formalisere matematiske konstruksjonar eller algoritmar i Coq proof-assistenten.
Forskaren blir forventa å presentere resultat på internasjonale konferansar og workshops.
Kvalifikasjonar og eigenskapar:
Søkjarar må ha norsk doktorgrad eller tilsvarande grad informatikk eller relatert område, eller ha levert doktoravhandlinga til vurdering før søknadsfristen. Det er ein føresetnad at doktorgraden er oppnådd før tilsetjing kan skje.
Du bør vere ekspert på Coq proof-assistenten. Dokumentert evne til å formalisere matematiske konstruksjonar eller algoritmar i Coq er hovudkravet for denne stillinga.
Gode evner i enkelte underfelt av diskret matematikk, som kombinatorikk, grafteori, etc, er ein føremon.
Søkjarar må kunne arbeide sjølvstendig, strukturert og ha gode samarbeidsevner.
Søkarar må ha gode engelskkunnskapar, skriftleg og munnleg.
Personlege og mellommenneskelege eigenskapar vil bli lagt vekt på. Forskingsrøynsle, ambisjonar og potensial vil også telle ved vurdering av kandidatane.
Vi kan tilby:
Eit godt og fagleg stimulerande arbeidsmiljø
Løn etter lønssteg 62 (kode 1109/lønsramme 24, alternativ 6) i lønsregulativet til staten ved tilsetjing. Dette utgjer ei årsløn på kr 563 900 brutto. Vidare opprykk skjer etter tenesteansiennitet i stillinga. For særleg kvalifiserte søkjarar kan det verte aktuelt å vurdere høgare løn.
For HR-relaterte førespurnader, ta kontakt Lene Sørheim.
Ansettelse er underlagt godkjenning i henhold til loven om eksportkontroll
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.