Ledig stilling ved Universitetet i Bergen
Forskar - Klinisk institutt 2
Søknadsfrist: 18.08.2019
Kunnskap som formar samfunnet
Gjennom eit sterkt og tett samspel med omverda – globalt, nasjonalt og lokalt – skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Forskar
Ved Det medisinske fakultet, Klinisk institutt 2, er det ledig ei fast stilling som forskar (100 %). Stillinga er eksternt finansiert av Bergens forskningsstiftelse (BSF) og Universitetet i Bergen, og er for tida knytt til prosjektet ”DiaCell - Discovery of novel biomarkers for neurovascular complications in patients with diabetes using targeted patient-derived cell approach ”. Prosjektet har ei førebels finansiering i to (2) år. Stillinga er lokalisert ved Senter for diabetesforskning (http://www.uib.no/en/diabetes).
Om prosjektet/arbeidsoppgåver:
Norden har den høgaste førekomsten av type 1-diabetes i verden. Pasientar med diabetes har alvorleg redusert livskvalitet og funksjonshemmingar på grunn av økt risiko for makro- (kranskarsjukdom) og mikrovaskulær (nephropati, neuropati og retinopati) komplikasjonar. Hovudformålet med prosjektet er å løyse kausal molekylære mekanismar som er ansvarlege for beskyttelse mot diabetiske auge og nervar. Vi ser etter ein erfaren og dyktig cellekulturforskar med molekylærbiologisk bakgrunn. Kandidaten vil arbeida i eit internasjonalt forskingsmiljø innan studiar av diabetes ved Senter for diabetesforskning og i samarbeid med Lund universitet, Sverige.
Arbeidsoppgåver:
- kandidaten vil ha ansvar for å designe og optimalisere av metodar for in vitro-eksperiment på primære celler avleia frå pasientar med og utan diabetiske komplikasjonar som involverer iPSC-avleidde retina organoider.
- å designe og utføre gen editering og farmakologisk inngrep for å undersøke nye biomarkørar, ved bruk av pasientar sine iPSC-avleidde retinale organoider.
Kvalifikasjonar og eigenskapar:
- søkjar må ha relevant norsk ph.d.-grad eller tilsvarande doktorgrad innan molekylærbiologi med erfaring i CRISPR genom redigering og transcriptomics analyse
- det er eit krav at søkjaren har erfaring med omprogrammering i stamcellelinjer frå pasientprøver
- erfaring frå stamcelledifferensiering og organoid danning vil og verte tillagt stor vekt
- det er eit krav at søkjaren har erfaring innan histologiske teknikkar, spesielt augehistologi og augeanatomi
- fortrinnsvis med bakgrunn frå utviklingsbiologi og kunnskap i nevroutvikling
- det er ønskjeleg at vedkomande har erfaring med rettleiing, undervisning og utarbeiding av prosjektsøknadar
- evne til sjølvstendig initiativ og evne til samarbeid vert vektlagt i vurdering av søkjarane
- kandidaten må ha høg arbeidskapasitet og entusiasme for forsking
- søkjar må vere særs god i munnleg og skriftleg engelsk og norsk
- det er ein føremon om kandidaten har erfaring frå internasjonalt samarbeid
Vi kan tilby:
- eit godt og utfordrande arbeidsmiljø i forskingsfronten innan diabetesforsking.
- løn etter lønssteg 59 - 62 (kode 1109/lønsramme 24.3 – 24.6) i lønsregulativet til staten ved tilsetjing, for tida 523 800 – 552 800 kr brutto pr. år for ei fulltidsstilling, vidare opprykk skjer etter tenesteansiennitet i stillinga
- medlemsskap i Statens pensjonskasse
- gode velferdsordningar
Søknaden skal innehalde:
- eit søknadsbrev der du skriv om din motivasjon, kvifor du søkjer stillinga og kvifor du passer til denne
- ei oversikt over utdanning og arbeidserfaring (CV)
- attesterte kopiar av vitnemål og relevante attestar (Søkjarar med utanlandsk utdanning må leggje ved både vitnemål på original språket og autoriserte omsetjingar)
- publikasjonar, vitskaplege/faglege arbeid du ønskjer at det skal takast omsyn til ved vurderinga (maks 10 i pfd) og ei liste over desse
- doktorgradsavhandlinga (pdf)
- to referansar (namn og kontaktinformasjon)
Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som pdf vedlegg til søknaden.
Følgjande premissar er lagt til grunn for stillinga som forskar:
- forskaren skal vere medlem i forskingsgruppa som fagfeltet høyrer inn under
- lønsutgiftene skal om mogleg vere 100 % eksternt finansiert
- forskaren skal aktivt bidra med å innhente eksterne prosjektmidlar til fagmiljøet, til
- både seg sjølv og andre, frå Norges forskningsråd (NFR), EU og andre kjelder
- det er forventa at forskaren har sin forskingsaktivitet finansiert av prosjekta forskaren og forskingsgruppa rundt forskaren arbeider med
- instituttleiar kan pålegge forskaren arbeid inn mot bestemte forskingsprosjekt
- forskaren kan inneha verv, delta i komitear, utval m.m. innan Universitetet i Bergen
- forskaren har ikkje undervisningsplikt, men forventas å rettleie master- og ph.d.-
- studentar i den grad dette inngår som ein naturleg del av forskingsaktiviteten i
- forskingsgruppa
- forskaren kan søkje kompetanseopprykk etter reglementet for opprykk
- grunnlaget for stillinga opphøyrer dersom prosjektfinansieringa opphøyrer, og ny lov om statens ansatte mv. om oppseiing og fortrinnsrett vil gjerast gjeldande for fast tilsette
Generell informasjon:
Utfyllande opplysningar om stillinga kan ein få ved å vende seg til:
- Prosjektleiar, professor Valeriya Lyssenko, tlf.: +46 73 042 73 52 eller e-post: Valeriya.Lyssenko@uib.no
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.