Diku skal bidra til å styrke kvaliteten i norsk utdanning. Vi fremjar utvikling og nyskaping, internasjonalt samarbeid og digitale læringsformar. Eigaren vår er Kunnskapsdepartementet, og målguppa er norsk utdanningssektor på alle nivå.
Diku har 145 tilsette med hovudkontor i Bergen, samt kontor i Tromsø og Brussel.
Om stillinga
Har du lyst til å bli vår nye arkivar i teamet som jobbar med arkivoppgåver innanfor dokumentasjonsforvalting, og samstundes bidra til gode digitale løysingar?
Diku har ledig to faste 100 % stillingar som seniorkonsulent/rådgjevar ved Seksjon for IKT og dokumentasjonsforvalting ved kontoret i Bergen. Tiltreding etter nærmare avtale.
Seksjon for IKT og dokumentasjonsforvalting har i dag 14 dyktige og engasjerte medarbeidarar. I stillinga som arkivar hos oss vil du få stor påverknadskraft på det arkivfaglege arbeidet, saman med resten av teamet vårt. Vi ser etter deg som brenn for faget og som trivast med dokumentforvalting i offentleg sektor. Arbeidet skjer på tvers av fagsystem og digitale løysingar, og Public 360 er vårt arkivsystem. Du er initiativrik og løysingsorientert i arbeidet med å sikre og forvalte dokumentasjon på ein god og effektiv måte. Du har allsidig arkivfagleg erfaring, og gjerne arkivfagleg utdanning. Videre har du gode samarbeidsevner, er strukturert, nøyaktig og trivest i en travel kvardag.
Verdiane til Diku er open, kunnskapsdriven og nytenkande. Vi søkjer deg som ønskjer å fremje desse verdiane, og vi legg særleg vekt på at du er godt eigna og motivert for stillinga. Vi meiner at inkludering og mangfald er ein styrke, og ynskjer medarbeidarar med ulik kompetanse og livserfaring, samt ulike fagkombinasjonar og perspektiv. Om du som medarbeidar har særskilte behov legg vi til rette for dette i så stor grad som mogeleg.
Har du lyst å jobbe saman med oss? Send oss ein søknad der du fortel kvifor akkurat du bør bli vår nye medarbeidar i teamet for dokumentasjonsforvalting.
Arbeidsoppgåver
dagleg drift innan arkivet (postmottak, offentleg postjournal, innsyn og kvalitetskontroll)
arkivfagleg rådgiving og brukarstøtte
opplæring og kursing ut i verksemda
prosjektarbeid
anna arkivfagleg arbeid etter behov
Krav til kvalifikasjonar
utdanning på bachelornivå, innan relevant fagkrets. Relevant erfaring og praksis som arkivar, kan erstatte delar av kravet til utdanning
relevant og variert erfaring frå offentleg dokumentasjonsforvalting
særs gode norsk- og engelskkunnskapar, skriftleg og munnleg
god digital kompetanse
god forståing for og erfaring frå saks- og arkivsystem, til dømes Public 360
god kompetanse på lover og forskrifter innan dokumentforvaltning for det offentlege
Ønska tilleggskvalifikasjonar
erfaring med prosjektarbeid
erfaring med rådgiving og rettleiing innan dokumentasjonsforvalting
erfaring med integrasjoner med andre fagsystem
erfaring med systemadministrasjon i NOARK-system
Vi tilbyr
eit uformelt og godt fag- og arbeidsmiljø
høve til opplæring og fagleg utvikling
fleksibel arbeidstidsordning
gode pensjons- og låneordningar frå Statens pensjonskasse
høve til trening i arbeidstida
Generelt
Den som vert tilsett må rette seg etter dei retningslinjene som til ei kvar tid gjeld for stillinga.
Innhaldet i stillinga kan bli endra som følgje av omstillingar i Diku. Stillinga vert lønna som seniorkonsulent (kode 1363) eller rådgivar (kode 1434) innanfor lønsspenn kr 482 200 – kr 597 000, etter kvalifikasjonar. Trekk til pensjonstilskot i Statens pensjonskasse er på 2 %.
Dersom det er kvalifiserte søkarar med funksjonsnedsetting, hol i CV-en eller innvandrarbakgrunn, skal minst ein søkar i kvar av desse gruppene kallast inn til intervju. For å bli vurdert som søkar i desse gruppene, det vil seie positiv særbehandling, må søkarane oppfylle visse krav. Vi oppmodar difor søkarar til å krysse av i Jobbnorge dersom dei oppfyller krava. Avkryssinga i Jobbnorge dannar grunnlag for anonymisert statistikk, som alle statlege verksemder rapporterer til. Meir om positiv særbehandling på DFØ sin nettstad.
Ynskjer ein søkar å reservere seg frå oppføring på offentleg søkarliste, må dette grunngjevast. Opplysningar om søkar kan gjerast offentleg sjølv om søkar har bede om konfidensiell behandling. Søkaren vert varsla dersom ynskje om reservasjon ikkje vert imøtekome, jf. offentleglova § 25.Søknad og komplett CV med oversyn over utdanning og tidlegare praksis, vedlagt skanna vitnemål og attestar skal leggast inn via lenke i Jobbnorge.
Kontaktinformasjon
Spørsmål om stillinga kan rettast til:
Seksjonsleiar Kenneth Hopsdal på tlf. 477 08 927. Vidare kan ein kontakte
HR ved Tone Stiansen på tlf.934 67 877, for generelle spørsmål om stillinga
