Om stillinga

Diku har ledig ei fast 100 % stilling som seniorrådgivar, for tida ved Avdeling for utgreiing og analyse. Kontorstad er Bergen. Tiltreding etter nærmare avtale.

Direktoratet for internasjonalisering og kvalitetsutvikling i høyere utdanning

Diku skal bidra til å styrke kvaliteten i norsk utdanning. Vi fremjar utvikling og nyskaping, internasjonalt samarbeid og digitale læringsformar. Eigaren vår er Kunnskapsdepartementet,

og målguppa er norsk utdanningssektor på alle nivå. Diku har 130 tilsette med hovudkontor i Bergen, samt kontor i Tromsø og Brussel.

Avdeling for utgreiing og analyse har i dag 10 medarbeidarar og vert leia av ein avdelingsdirektør. Avdelinga har ansvar for å utarbeide rapportar, spørjeundersøkingar, evalueringar og utgreiingar, m.a. årlege tilstandsrapportar for høvesvis høgare utdanning og høgare yrkesfagleg utdanning på vegne av Kunnskapsdepartementet. Avdelinga bidrar med rådgjeving internt i Diku, overfor utdanningssektor og myndigheiter.

Vi søkjer ein sjølvstendig medarbeidar som er initiativrik, påliteleg og har gode samarbeidsevner. Vi legg særleg vekt på at kandidaten er godt eigna og motivert for stillinga.

Arbeidsoppgåver

• utgreiings-, analyse- og utviklingsoppgåver med vekt på data- og statistikkarbeid
• utvikling og gjennomføring av spørjeundersøkingar, brukarundersøkingar, evalueringar o.l.
• formidling av kunnskap og resultat
• halde seg oppdatert på trendar og utvikling på fagfeltet, nasjonalt og internasjonalt

Kvalifikasjonskrav

• høgare utdanning på masternivå og/eller tilsvarande realkompetanse
• erfaring frå utgreiingsarbeid og/eller forsking
• relevant kompetanse innanfor samfunnsfagleg metode med vekt på statistikk
• god digital kompetanse
• særs gode kunnskapar i engelsk og norsk, skriftleg og munnleg

Ønska tilleggskvalifikasjonar

• erfaring med prosjektleiing
• kjennskap til utdanningssektoren
• kompetanse på/erfaring frå arbeid med utdanningskvalitet
• kjennskap til internasjonalt utdanningssamarbeid

Vi tilbyr

• eit uformelt og godt fag- og arbeidsmiljø
• høve til opplæring og fagleg utvikling
• fleksibel arbeidstidsordning
• gode pensjons- og låneordningar frå Statens pensjonskasse
• høve til trening i arbeidstida

Generelt

Diku er IA-verksemd. Den som vert tilsett må rette seg etter dei retningslinene som til ei kvar tid gjeld for stillinga. Innhaldet i stillinga kan verte endra som følgje av omstillingar i Diku.

Stillinga vert løna som seniorrådgivar (kode 1364) innanfor lønsspenn kr 552 800 – kr 667 200, etter kvalifikasjonar. For særs godt kvalifiserte søkjarar kan høgare lønn vurderast. Trekk til pensjonstilskot i Statens pensjonskasse er på 2 %.

Arbeidsstyrken skal i størst mogleg grad spegle mangfaldet i samfunnet og utnytte potensialet i folkesetnaden si samla kompetanse. Vi oppmodar difor kvalifiserte kandidatar med ulik utdanning, arbeids- og livserfaring, og kandidatar som av ulike årsaker ikkje kan dokumentere ei samanhengande yrkeskarriere, til å søkje jobb hos oss.

Dersom søkjar vil reservere seg frå oppføring på offentleg søkjarliste, må dette grunngjevast. Opplysningar om søkjar kan gjerast offentleg sjølv om søkjar har bede om konfidensiell behandling. Søkjaren vert varsla dersom ønske om reservasjon ikkje vert imøtekome, jf. offentleglova § 25.

Spørsmål om stillinga kan rettast til:

• Avdelingsdirektør Ragnhild Tungesvik på tlf. 950 25 153

Vidare kan ein vende seg til HR-rådgivar Grethe Isdahl på tlf. 416 39 559, for generelle spørsmål om stillinga.

Søknad og komplett CV med oversyn over utdanning og tidlegare praksis, vedlagt skanna vitnemål og attestar skal leggast inn via lenke på denne sida (Jobbnorge).

Søk på stillingen