Stilling:
Seksjonsleiar globalt samarbeid
Søknadsfrist 2. desember 2018
Diku har ledig ei nyoppretta fast 100 % stilling som leiar ved Seksjon for globalt samarbeid, med arbeidsstad Bergen. Seksjonen har i dag 9 faste tilsette og er knytt til Avdeling for kunnskap og læring. Seksjonsleiaren rapporterer til avdelingsdirektør for denne avdelinga. Tilsetjing etter nærmare avtale.
Vi søkjer ein erfaren og fagleg trygg leiar, som har gode leiareigenskapar og kan vere ein pådrivar i arbeidet med å vidareutvikle seksjonens verkemidlar, implementere endringar og identifisere og utvikle moglegheiter innan seksjonen sitt ansvarsområde. Kandidaten skal og bidra til ei heilskapleg og tverrfagleg tilnærming til fagområdet og bidra til vidareutvikling og prioritering innan globalt samarbeid. Seksjonsleiaren vil ha ansvar for styring og leiing av seksjonen, og vil vere ein viktig rådgivar og sparringspartnar for avdelingsdirektør, i arbeidet med å vidareutvikle Diku si rolle og verksemd. Seksjonen si verksemd er primært retta mot høgare utdanning, men omfattar også verkemidlar som er retta mot andre nivå av utdanningssektoren.
Vi søkjer ein kandidat som er strategisk, analytisk og prosessorientert. I tillegg må kandidaten ha gode kommunikasjons- og samarbeidsevner, og vere ein god relasjonsbyggjar. Vi legg særleg vekt på at kandidaten er godt eigna for stillinga.
Arbeidsoppgåver
- Personalansvar for seksjonens medarbeidarar
- Vidareutvikling og prioritering innafor Diku sitt arbeid med globalt orienterte program
- Implementering av endringsprosessar i seksjonen
- Utgreiing av detaljerte planar og budsjett for seksjonen sine aktivitetar
- Rapportering og oppfølging av mål og resultat
Krav til kvalifikasjonar
- Utdanning på masternivå eller tilsvarande realkompetanse
- Relevant og variert yrkeserfaring
- Erfaring frå leiing
- Kan dokumentere oppnådde resultat i tidlegare arbeid
- Kompetanse og erfaring med budsjett- og økonomistyring, samt ressursforvalting
- Særs god fagleg vurderingsevne og tverrfagleg forståing
- God kjennskap til norsk høgare utdanningssektor
- God digital kompetanse
- Særs gode norsk- og engelskkunnskapar, skriftleg og munnleg
- Kjennskap til offentleg forvalting
Ønska kvalifikasjonar
- God kunnskap og interesse for kvalitetsutvikling
- Kjennskap til og interesse for kapasitetsbyggingsarbeid innan utdanning (bistand)
- Kjennskap til EUs utdanningsprogram
- Kjennskap til sentrale aktørar innan globalt samarbeid
Vi tilbyr
- Ei spennande leiarstilling med varierte og interessante oppgåver
- Uformelt og godt fag- og arbeidsmiljø
- Høve til opplæring og fagleg utvikling
- Fleksibel arbeidstidsordning
- Gode pensjons- og låneordningar i Statens pensjonskasse
- Høve til trening i arbeidstida
Diku er ein IA-bedrift. Den som vert tilsett må rette seg etter dei retningslinene som til ei kvar tid gjeld for stillinga. Innhaldet i stillinga kan verte endra som følge av omstillingar i Diku. Stillinga vert lønna som seksjonssjef (kode 1211) med lønnsspenn kr. 658 300 - kr. 754 900. For særs godt kvalifiserte søkjarar kan høgare løn vurderast. Trekk til pensjonstilskott i Statens pensjonskasse er på 2 %.
Arbeidsstyrken skal i størst mogleg grad reflektere mangfaldet i samfunnet og utnytte potensialet i befolkninga og samla kompetanse. Vi oppfordrar derfor kvalifiserte kandidatar med ulik utdanning, arbeids- og livserfaring til å søke. Dersom søkjar vil reservere seg frå oppføring på offentleg søkarliste, må dette grunngjevast. Opplysningar om søkjaren kan gjerast offentleg sjølv om søkjar har bedt om konfidensiell handsaming. Søkjaren vil i så fall bli varsla dersom ønske om reservasjon ikkje vert imøtekome, Jf. Offentleglova § 25.
For spørsmål ta kontakt med>
- Avdelingsdirektør Siv Andersen, tlf. 936 06 951 eller
- Personalsjef Tone Stiansen, tlf. 934 67 877
Søknad og komplett CV med oversikt over utdanning og tidlegare praksis, vedlagt skanna vitnemål og attester skal leggjast inn via link på denne sida (Jobbnorge).