Om stillinga

Diku har ledig ei nyoppretta fast 100 % stilling som fagdirektør for europeisk utdanningssamarbeid (Erasmus+), med arbeidsstad Bergen. Stillinga rapporterer til direktør i Diku. Tilsetjing etter nærmare avtale.

Erasmus+ er EU sitt program for utdanning, opplæring, ungdom og idrett. Med eit budsjett på 14,7 milliardar euro for perioden 2014-2020 er Erasmus+ verdas største utdanningsprogram. Noreg deltar som programland i Erasmus+ på lik linje med medlemslanda i EU, og Diku er nasjonalt kontor for utdannings- og idrettsområde.

Diku

Diku skal bidra til å styrke kvaliteten i norsk utdanning. Vi fremjar utvikling og nyskaping, internasjonalt samarbeid og digitale læringsformar. Eigaren vår er Kunnskapsdepartementet, og målguppa er norsk utdanningssektor på alle nivå. Diku har 130 tilsette med hovudkontor i Bergen, samt kontor i Tromsø og Brussel.

Vi søkjer ein samarbeidsorientert medarbeidar som har interesse for og erfaring med koordinering av komplekse arbeidsprosessar. Det er ein føresetnad at medarbeidaren har god kunnskap om EU sine utdanningsprogram (Erasmus+). Erasmus+-programmet går inn i ny programperiode frå 2021, og avslutning av inneverande periode og innfasing av ny periode vil vere viktige oppgåver.

Kandidaten må ha særs god tverrfagleg forståing og kunne omsetje ein kompleks røyndom til klare kunnskapsbaserte prioriteringar. Fagdirektøren skal vere ein pådrivar i arbeidet med å koordinere og vidareutvikle det europeiske samarbeidsfeltet i Diku, implementere endringar og identifisere og utvikle moglegheiter innan Diku sitt ansvarsområde.

Kandidaten skal ha god forståing for politiske prosesser og for samspelet med myndigheiter og politisk leiing. Fagdirektøren vil ha overordna ansvar for Erasmus+-arbeidet og skal gi gode råd og være ein sentral støttespelar for leiinga i Diku.

Vi søkjer ein kandidat som er opptatt av organisasjon og koordinering, som er strategisk, analytisk og prosessorientert, i tillegg til å vere ein god relasjonsbyggjar. Vi legg vekt på at kandidaten er godt egna og motivert for stillinga og arbeidet. Noko reiseverksemd må påreknast.

Arbeidsoppgåver

• ansvar for oppfølging av Diku sin kontrakt med Europakommisjonen, som nasjonalkontor for Erasmus+
• vidareutvikle og konsolidere ein modell for tverrgåande organisering av arbeidet med Erasmus+ i Diku
• koordinere prioriteringar og møteplassar for Erasmus+-arbeidet i Diku
• koordinerande ansvar for Erasmus+ budsjettet (250 millioner NOK i 2019)
• strategisk rådgiving for leiinga i Diku innanfor europeisk utdanningssamarbeid
• implementering av endringsprosessar
• representere Diku i nasjonale og internasjonale fora og formidle europeisk og nasjonal policy på utdannings- og opplæringsområde

Krav til kvalifikasjonar

• utdanning på masternivå og/eller tilsvarande realkompetanse
• relevant og variert arbeidserfaring
• dokumentere oppnådde resultat i tidlegare arbeid
• god kjennskap til EU-systemet og særleg utdanningspolitiske prioriteringar
• kunnskap om og interesse for prosessutvikling og programstyring
• god digital kompetanse
• særs god fagleg vurderingsevne og tverrfagleg forståing
• god kjennskap til norsk utdanningssektor
• særs gode norsk- og engelskkunnskapar, skriftleg og munnleg
• kjennskap til offentleg forvalting (ønskjeleg)

Vi tilbyr

• ei spennande stilling med varierte og interessante oppgåver
• uformelt og godt fag- og arbeidsmiljø
• fleksibel arbeidstidsordning
• gode pensjons- og låneordningar i Statens pensjonskasse
• høve til trening i arbeidstida

Generell informasjon

Diku er ein IA-verksemd. Den som vert tilsett må rette seg etter dei retningslinene som til ei kvar tid gjeld for stillinga. Innhaldet i stillinga kan verte endra som følge av omstillingar i Diku.

Stillinga vert lønna som fagdirektør (kode 1538) innanfor lønsspenn kr. 667 200 - kr. 813 400, etter kvalifikasjonar. For særs godt kvalifiserte søkjarar kan høgare løn vurderast. Trekk til pensjonstilskott i Statens pensjonskasse er på 2 %.

Arbeidsstyrken skal i størst mogleg grad spegle mangfaldet i samfunnet og utnytte potensialet i folkesetnaden si samla kompetanse. Vi oppmodar difor kvalifiserte kandidatar med ulik utdanning, arbeids- og livserfaring, og kandidatar som av ulike årsaker ikkje kan dokumentere ei samanhengande yrkeskarriere, til å søkje jobb hos oss.

Dersom søkjar vil reservere seg frå oppføring på offentleg søkarliste, må dette grunngjevast. Opplysningar om søkjaren kan gjerast offentleg sjølv om søkjaren har bedt om konfidensiell handsaming. Søkjaren vil i så fall bli varsla dersom ønske om reservasjon ikkje vert imøtekome,jf. Offentleglova § 25.

For spørsmål om stillinga, ta kontakt med:

• Assisterande direktør Gro Tjore, tlf 411 916 31 eller
• HR-leiar Tone Stiansen, tlf. 934 67 877

Søknad og komplett CV med oversikt over utdanning og tidlegare praksis, vedlagt skanna vitnemål og attester skal leggjast inn via link på denne sida (Jobbnorge)

Søk på stillingen