Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Universitetsbiblioteket (UB) yter tenester til forsking, undervisning, formidling og vitskapleg publisering ved Universitetet i Bergen. UB gjev studentar og vitskapleg tilsette tilgang til kunnskapskjelder, og gjev undervisning og rettleiing som har som mål å heva deira informasjonskompetanse. Vidare utviklar og driftar UB digital forskingsinfrastruktur, med særleg vekt på tenester som fremjar open vitskap. Les meir om Universitetsbiblioteket her.
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Om stillinga
Ved Universitetsbiblioteket (UB) er det ledig ei 100 % fast stilling som spesialbibliotekar (stillingskode 1515 spesialbibliotekar). Stillinga er for tida knytt til Seksjon for bibliotektenester, med arbeidsstad på Bibliotek for humaniora. Stillinga er ledig frå 1.8.20, tiltreding etter nærare avtale.
Arbeidsoppgåver:
Ansvar for fjernlånstenesta
Ansvar for bruk og oppfølging av bibliotekteknisk utstyr ved UB
Delta i øvrige oppgåver knytt til dokumentlevering, samt i førstelinetenesta fysisk og digitalt
Vere pådrivar i effektivisering og fornying av arbeidsprosessar
Bidra til utvikling av tenester som gir ein auka verdi for UBs brukargrupper og UiBs kjerneverksemd
Den som vert tilsett kan bli pålagt å delta i vaktordningar utanom ordinær kontorarbeidstid.
Kvalifikasjonar og eigenskapar:
Kvalifikasjonar:
Utdanning innan bibliotek- og informasjonsfag på minst bachelornivå, eller tilsvarande bibliotekfagleg utdanning i kombinasjon med relevant praksis
Gode IKT-kunnskapar er naudsynt
Relevant arbeidserfaring frå biblioteksektoren er ein føremon
Kjennskap til biblioteksystemet ALMA/Oria er ein føremon
Gode språkkunnskapar både skriftleg og munnleg i norsk og engelsk
Eigenskapar:
Du er initiativrik, fleksibel og omgjengeleg med gode samarbeids- og formidlingsevner
Du er handlekraftig, løysingsorientert og har høg arbeidskapasitet
Du har evne til å arbeide både sjølvstendig og i team
Du er endringsvillig, nytenkande og serviceorientert
Ved vurdering av søkarane vil det bli lagt stor vekt på personlege eigenskapar som er naudsynte for stillinga.
Vi kan tilby:
Eit godt og fagleg utfordrande arbeidsmiljø
Spennande og motiverande kontakt med fagmiljø ved UiB
Løn som spesialbibliotekar etter lønssteg 53 – 59 (kode 1515) i det statlege lønsregulativet etter kvalifikasjonar. Dette utgjer for tida kr. 471 600 – kr. 522 800. For særleg kvalifiserte søkjarar kan høgare løn vurderast.
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Det blir gjennomført forsøk med anonyme søknader i staten. Anonymisering av søknader skal gjelde den første utsilingsfasen av kandidatar som er aktuelle for intervju. Forsøket skal evaluerast av Difi, som behandlar anonyme opplysningar av tilsetjingsprosessen, og det blir utarbeidd statistikk over resultata av forsøket. Opplysningar om enkelpersonar blir ikkje levert ut til andre i samband med forsøket og evalueringa, men reglane om innsyn i offentleg søkjarliste og utvida søkjarliste gjeld.
