Stilling:
Universitetslektor (Skolelaboratoriet i realfag)
Søknadsfrist 20.02.2019
UiB - Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Universitetslektor
Ved Skolelaboratoriet i realfag er det ledig ei stilling som universitetslektor knytt til etter- og vidareutdanning av lærarar. Stillinga er finansiert av eksterne midlar. Dei første tre åra er stillinga finansiert av prosjekta Kompetanse for kvalitet (50% av stillinga), Den naturlige skolesekken (30% av stillinga) og Desentralisert kompetanseutvikling (20% av stillinga).
Skolelaboratoriet er ei lita eining med seks tilsette ved Det matematisk-naturvitskaplege fakultet. Vi har ansvar for etter- og vidareutdanning av realfagslærarar, og ulike prosjekt retta mot skular.
Stillinga vil vere knytt til etter- og vidareutdanning av lærarar, skuleutvikling og utdanning for bærekraftig utvikling. Den som vert tilsett vil ha ansvar for vidareutdanningskursa Naturfag 1 og Naturfag 2. For meir informasjon om Skolelaboratoriet i realfag, sjå: https://www.uib.no/skolelab
Arbeidsoppgåver:
- Planlegge, organisere og undervise på vidareutdanningskurs.
- Kursutvikling i samhandling med både interne og eksterne samarbeidspartar.
- Oppfølging av deltakarane på vidareutdanningskurs, vurdere og gje tilbakemeldingar på innsendte oppgåver og vere eksaminator på munnleg eksamen.
- Utvikling og drift av nettsider som blir brukte i kurs og skuleutvikling.
- Regionkontakt for prosjektet «Den naturlige skolesekken».
- Rettleiing av skular på Vestlandet som arbeider med utdanning for bærekraftig utvikling gjennom prosjekta i den «Den naturlige skolesekken». Dette medfører mellom anna ansvar for metodisk utvikling og nettverksbygging.
- Arrangere samlingar for deltakarane i «Den naturlige skolesekken» i samarbeid med Naturfagsenteret, både nasjonalt og regionalt.
- Ta initiativ til etterutdanningskurs og følge opp Skolelaboratoriet si rolle i etterutdanningsprogram. Dette medfører internt og eksternt samarbeid.
- Skolelaboratoriet er partnar i forsknings- og utviklingsprogram, der vår oppgåve er formidling, undervisning og praktisk tilrettelegging. Den som blir tilsett vil få sjølvstendige oppgåver i dette arbeidet.
Andre arbeidsoppgåver kan også bli aktuelle.
Kvalifikasjonar og eigenskapar:
- Søkjarar må ha utdanning på mastergradsnivå i realfag. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning.
- Pedagogisk utdanning og relevant undervisningserfaring er naudsynt.
- Søkjarar med erfaring frå skuleutvikling og etter- og vidareutdanning av realfagslærarar vil bli føretrekt.
- God administrativ IT-kompetanse er naudsynt.
- Kjennskap til Canvas-basert læringsplattform, den nasjonale kursdatabasen skolelab.no og Wordpress er ein føremon.
- Gode kommunikasjons- og samarbeidsevner.
- Evne til å vere fleksibel i møte med nye arbeidsoppgåver.
- Personlege eigenskapar som er naudsynte for stillinga, vil bli vektlagt.
Vi tilbyr:
- Spennande og utviklande arbeidsoppgåver i et sterkt fagmiljø
- Stilling som universitetslektor (kode 1009 / lønsramme 25) i lønssteg 58-70. Dette utgjer ei årsløn på kr 505 800 kr 631 700. For spesielt godt kvalifiserte søkjarar kan det vurderast høgare løn.
- Medlemskap i Statens pensjonskasse
- Gode velferdsordningar
Søknaden skal innehalde:
- CV
- Vitnemål og attestar
- Liste med vedlegg som dokumenterer dine pedagogiske kvalifikasjonar
Generell informasjon
Utfyllande opplysningar om stillinga kan ein få ved å vende seg til:
- Dagleg leiar Olaug Vetti Kvam, tlf. 55 58 22 27, epost: Olaug.Kvam@uib.no
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.