Ved Det medisinske fakultet, Institutt for global helse og samfunnsmedisin (IGS), Senter for internasjonal helse (SIH), er det ledig ei fast 100 % stilling som seniorkonsulent (forskingskoordinator). Stillinga er prosjektfinansiert og knytt til forskingsprosjekt ved IGS og SIH.

Arbeidsoppgåver

• hovudarbeidsområdet for stillinga er administrativ støtte til prosjektleiarane og forskarane ved SIH, slik som mellom anna:

1. oppfølging av kontraktar og rapportering
2. ansvar for prosjektmøter i inn- og utland; til dømes å bidra til praktisk organisering av opphald ved SIH for gjestar frå partnarskapsland
3. oppfølging av rutinar for datainnsamling, datahandsaming og -oppbevaring
4. koordineringsarbeid i nasjonale og internasjonale nettverk
5. søknadsstøtte (i samarbeid med forskingsrådgjevar og forskarar), med eit særleg ansvar for å stimulera til utvikling av søknadar om eksterne midlar; bidra ved arrangement og prosjektmøter for søknadsskriving
6. delta i utvikling og gjennomføring av kommunikasjonsarbeid som støttar forsking ved SIH
7. halde kontakt og jobbe opp mot forskingspartnarane i prosjekta, både nasjonale og internasjonale

• bidra til drift av Norsk Forum for Global Helseforsking og Global Helse Norge, samt samarbeidsmøter med Globale samfunnsutfordringar - administrasjon
• utgreiings- og utviklingsoppgåver innan prosjekt og prosjektstøtte i globale helserelaterte spørsmål
• ein vil jobba tett med leiar for SFF-en CISMAC (senter for framifrå forsking) og støtta den administrative prosjektleiaren i administrative saker som gjeld senteret
• andre administrative oppgåver kan også leggjas til stillinga
• administrasjonssjef ved IGS er næraste overordna, men til dagleg vil vedkomande rapportera til leiar for SIH og ha tett samarbeid med dei aktuelle prosjektleiarane på SIH

Utfyllande opplysningar om stillinga kan ein få ved å vende seg til:

• Leiar for Senter for internasjonal helse, Bente Moen, tlf.: 900 25 541, epost: Bente.Moen@uib.no, eller
• Administrativ leiar for Globale samfunnsutfordringar, Ingvild Hope, tlf.: 55 58 85 52, epost: Ingvild.Hope@uib.no

Kvalifikasjonar og eigenskapar

• søkjar må ha utdanning på mastergradsnivå. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning
• relevant praksis er eit krav
• det vil vere ein føremon med erfaring frå arbeid med globale forskingsprosjekt og spesielt dersom ein har jobba med prosjektøkonomi
• personlege eigenskapar som er naudsynte for stillinga vil verte vektlagt, som evne til å jobba sjølvstendig, løysingsorientert, handtera fleire saker samstundes, fleksibilitet
• mykje av kommunikasjonen på senteret er på engelsk, så søkjar må kunne både norsk og engelsk flytande, munnleg og skriftleg. Det vil og vere ein føremon om ein beherskar andre språk
• den som får stillinga må like å jobbe i eit hektisk miljø, og vere innstilt på at det kan verte noko reiseverksemd i stillinga

Vi kan tilby

• eit godt og fagleg utfordrande arbeidsmiljø
• stilling som seniorkonsulent (kode 1363) i lønssteg 52-56 (for tida kr 456 900 - 488 500), for særs kvalifiserte søkjarar kan høgare løn vurderast
• medlemsskap i Statens pensjonskasse
• stilling i ei inkluderande arbeidslivsverksemd (IA-verksemd)
• gode velferdsordningar

Du kan lese meir om kva Universitetet i Bergen kan tilby som arbeidsgivar ved å gå inn på nettsida:

http://www.uib.no/poa/74687/hva-kan-universitetet-tilby-sine-medarbeidere

Generell informasjon

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning og tilsetje personar med innvandrarbakgrunn og personar med nedsett funksjonsevne. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Den som vert tilsett må rette seg etter dei retningslinene som til kvar tid gjeld for stillinga.

Søknad

Send søknad elektronisk via lenkja «Søk stillingen» på denne sida.

Søknaden skal innehalde:

• søknadsbrev der du seier noko om din motivasjon for stillinga, kvifor du søkjer og kvifor du passar til stillinga
• attesterte kopiar av vitnemål og relevante attestar
• to referansar (namn og kontaktinformasjon)

Søknadane vert sendt elektronisk til nemnda som skal vurdere desse.

Vi gjer merksam på at søknadar vert vurdert med den informasjonen som ligg føre i Jobbnorge når søknadsfristen går ut.

Nærare om tilsettingsprosessen her.

Søk stillingen

Søknadsfrist: 14. oktober 2018

Web: www.uib.no

Kontakt: Bente Moen (Leiar for Senter for internasjonal helse)

Telefon: 900 25 541

E-post: Bente.Moen@uib.no

Kontakt 2: Ingvild Hope (Administrativ leiar for Globale samfunnsutfordringar)

Telefon: 55 58 85 52

E-post: Ingvild.Hope@uib.no