Stilling:

Stipendiat (3 år) ved Klinisk institutt 2, Det medisinske fakultet

Søknadsfrist: 18.07.2018

Ved Det medisinske fakultet, Klinisk Institutt 2 er det ledig ei mellombels stilling som stipendiat (100 %) for ein periode på tre (3) år. Stillinga er knytt til prosjektet ”Improving treatment for women with endometrial cancer”, finansiert av Norges forskningsråd. Prosjektet vert leia av professor Camilla Krakstad og kandidaten vil verte ein del av Bergen Forskningsgruppe for Gynekologisk Kreft.

Om institutt og prosjekt

Målet med prosjektet er å auke kunnskap om livmorkreft (endometrie kreft). Denne kreftsjukdommen rammar gjerne eldre kvinner og vi ser at førekomsten av denne sjukdommen er aukande. Dette skuldas både at forventa levealder stig, men er og knytt til auka grad av fedme i befolkninga. Prosjektet undersøkjer kva mekanismar som fører til utvikling av livmorkreft og undersøkjer og kva som i nokre tilfelle er årsak til spreiing av sjukdommen. Prosjektet tar og sikte på å undersøkje livskvalitet hjå pasientar etter behandling og den rette kandidaten vil få oppgåver som og er knytt til dette delarbeidet.

Hovudoppgåver

Vi søkjer ein dedikert og målretta kandidat som ønskjer å jobbe i ei translasjonell forskingsgruppe med tett samarbeid med kliniske miljø. Prosjektet har som hovudmål å identifisere nye molekylære og biletediagnostiske markørar for gynekologisk kreft. Kandidaten vil nytte ein kombinasjon av molekylære teknikkar, genetiske studiar og ein vil forventa at vedkomande vil lære seg statistisk kunnskap for analyse av både kliniske og genetiske data. Analyse av kliniske biletematerialar og oppfølgingsdata vil og vere aktuelt.

Kandidaten vil vere ansvarleg for analysar av steroid- og sekvenseringprofilar og vil samarbeide med forskarar i gruppa for å integrere nye data med eksisterande informasjon. Kandidaten vil ha ansvar for gjennomføring av alle steg frå prøve preparering til dataanalyse. For analyse av genetiske data vil kandidaten og ha ansvar for validering av funn. Prosjektet omfattar og to delprosjekt der biletemateriale og oppfølgingsdata skal undersøkjas. For desse delprosjekta vil det vere ein føremon med noko klinisk erfaring. Biletemateriale vert undersøkt i samarbeid med professor overlege Ingfrid S Haldorsen og fokuserer spesielt på analyser knytt til fettfordeling.

Nærare opplysningar om stillinga kan ein få ved å vende seg til professor Camilla Krakstad, tlf.: 55 97 67 97 eller epost: Camilla.Krakstad@uib.no

Kvalifikasjonar og personlege eigenskapar

  • søkjar må ha fullført mastergrad i medisin, molekylærbiologi, biomedisin eller ha anna relevant mastergrad
  • i tilsetjinga vil det verte lagt avgjerande vekt på fagleg styrke, relevant forskingskompetanse og erfaring frå liknande prosjekt. Dokumentert erfaring frå arbeid eller prosjekt innan gynekologiske fag vil verte vektlagt
  • personlege eigenskapar vil verte vektlagd; Kandidaten må vere motivert, kunne arbeide sjølvstendig og i team. Ansvarsmedvit og motivasjon vil verte vektlagd
  • søkjar må vere særs god i munnleg og skriftleg engelsk og norsk

Søkjarar med utanlandsk utdanning må legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg legge ved NOKUT si generelle vurdering om utdanninga samsvarar med norsk mastergrad. Sjå www.nokut.no for meir informasjon om generell vurdering av høgare utdanning. Me gjer merksam på at søknad om vurdering frå NOKUT kan ta tid og søknaden bør sendast så tidleg som mogleg når du veit du vil søkje stillinga. Dersom du ikkje har fått svar innan søknadsfristen, legg du ved dokumentasjon frå NOKUT om at dei har mottatt søknaden din.

Sjå krav om engelsk-kunnskapar: http://www.uib.no/med/115525/krav-til-engelskkunnskaper-ved-opptak-til-phd-programmet

Forskarutdanning

Stilling som stipendiat har fullført forskarutdanning fram til doktorgrad som mål. Stipendiaten skal gå inn i eit godkjend opplegg for ein doktorgrad innafor ei tidsramme på 3 år, utan andre pålagte arbeidsoppgåver ved instituttet. Endeleg plan for gjennomføring av forskarutdanninga skal vere godkjent av fakultetet innan tre månader etter start i stillinga. Opptak i fakultetet sitt ph.d.-program er ein føresetnad for tilsetjing i stillinga.

Stipendiatstilling

Stipendiatstillinga er ei åremålsstilling. Ingen kan vere tilsett som stipendiat i meir enn ein åremålsperiode ved same institusjon. Du kan heller ikkje tilsetjast i stipendiatstilling dersom du tidlegare har hatt slik tilsetjing ved ein annan institusjon i regionen.

Vi kan tilby:

  • løn etter lønssteg 50 (kode 1017/lønnsramme 20.8) for tida kr. 442 400 i lønsregulativet til staten. Vidare opprykk skjer etter tenesteansiennitet i stillinga. For søkjarar med gjennomført turnusteneste og søkjarar med minst eitt års tilsetjing i tannlegestilling lønssteg 52, for søkjarar med spesialistutdanning lønssteg 58 (kode 1017/lønsramme 20.17). Løn er under justering.
  • god pensjonsordning i Statens pensjonskasse
  • stilling i ei inkluderande arbeidslivsverksemd (IA-verksemd)
  • gode velferdsordningar

Du kan lese meir om kva Universitetet i Bergen kan tilby som arbeidsgivar ved å gå inn på nettsida:

http://www.uib.no/poa/74687/hva-kan-universitetet-tilby-sine-medarbeidere

Om rekruttering i statlege stillingar

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn og personar med nedsett funksjonsevne. Personar med innvandrarbakgrunn og personar med nedsett funksjonsevne vert oppmoda om å søkje stillinga.

Universitetet i Bergen nyttar utvida offentleg dokumentinnsyn ved tilsetjing i vitskaplege stillingar. Opplysningar om søkjaren kan bli gjort offentleg sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslas om dette.

Den som vert tilsett må rette seg etter dei retningslinene som til kvar tid gjeld for stillinga.

Søknaden skal innehalde

Send CV og søknad med vedlegg via lenkje og legg ved:

  • eit søknadsbrev der du skriv om din motivasjon, kvifor du søkjer stillinga og kvifor du passer til denne
  • attesterte kopiar av vitnemål (all høgare utdanning) og relevante attestar
  • søkjarar med utanlandsk utdanning må legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg legge ved NOKUT si generelle vurdering om utdanninga samsvarar med norsk mastergrad. Sjå www.nokut.no for meir informasjon om generell vurdering av høgare utdanning. Har du ikkje fått svar innan søknadsfristen, kan du leggje ved dokumentasjon frå NOKUT om at dei har mottatt søknaden din. Dokumentasjon på engelsk-kunnskapar
  • ei fullstendig liste over publikasjonar og eventuelle andre faglege arbeid du vil det skal takast omsyn til
  • to referansar (namn og kontaktinformasjon)

Søknadane vert sende elektronisk til den sakkunnige nemnda. Vi gjer merksam på at søknadar vert vurdert med den informasjonen som ligg føre i Jobbnorge når søknadsfristen går ut.

Nærare om tilsettingsprosessen her.

Søk på stillingen

Søknadsfrist: 18.07.2018

Web: www.uib.no

Kontakt: Professor Camilla Krakstad

Telefon: 55 97 67 97

E-post: Camilla.Krakstad@uib.no

Powered by Labrador CMS